غرام المتجبر للفراشه شيماء سعيد

الفصل السادس عشر الجزء الأول

مر شهر كامل و جلال مثل الظل بالنسبه لغرام لم يتركها لحظه واحده...

يعتني بها كأنها ابنته تأكل من صنع يده يحممها بنفسه..

تعيش أسعد لحظات حياتها مع تشعر كأنها طفله في الخامسه من عمرها...

طلباتها تكون تحت قدمها قبل أن ينطق بها لسانها و ذلك يغمرها بمشاعر مختلفة...

بعد شهر كامل قرر الذهاب لعمله اليوم و ذلك اغضبها كثيرا فهي تشتاق له و هو معاها...

جلست على تلك الارجوحه في الحديقة شارده تعودت على وجهه معها و اهتمامه بها...

مر على ذهابه ساعتين و كأنه سنوات ثواني و دلفت إليها عليا فهم أصبحوا أصدقاء...

جلست بجانبها و نظرت بنفس اتجاه شرودها ثواني و انفجر الاثنين بالضحك...

نظروا لبعضهم بأسره على تلك الأحوال التي تحيط حياتهم..

اردفت عليا بابتسامه خبيثة..

= الجميل شكله مشتاق...

رد عليها بنفس الخبث..

= و القمر نار الاشتياق حرقته.. مش كفايه كده بقى يا عليا..

قالت كلامتها الاخيره بجديه يكفي ما تعيشه هي و زوجها...

رفعت الآخر نظرها إليها و ترقرقت الدموع داخل لؤلؤتها..

لا تنكر إن الحياه بدون شديده الصعوبة و أنه مريض يحتاج من يقف بجواره...

و لكنها هي أيضا بداخلها جروح يجب عليها الشفاء منها اولا...

اردفت بدموع تهددها على الهبوط..

= أنا تعبت اوي يا غرام البعد نار و القرب نار... مش عارفه النهايه هتكون ازاي أو حتى هنوصل لايه... مش قادره اكمل من غيره زي ما وعدت نفسي قلبي بيقولي ده مريض و لازم اكون اول واحده في ضهره هو محتاجني... و عقلي بيقولي كان في ايده اكتر من حل الا الخيانه بس هو اختار اللي يريحه و مش مهم انا حاسه بأيه.. غيث اختار انه يكون زاني غيث قدر يقرب من غيري كان بينام جنبي و هو بيكدب عليا...كان بيقولي بحبك و أكون جوا حضنه و من دقائق كان في واحده تانيه...

سقطت من عيناها تلك الدموع التي حاولت كتمانها و ألقت بنفسها داخل صدر غرام...

أكملت حديثها بشهقات مرتفعه...

= انا بكرهه و بكره نفسي عشان مش عارفه أبطل احبه... انا معنديش دم أو كرامه و غيث عشقه لسه بيجري في دمي... عايزه أموت يا غرام يمكن ارتاح....

ضمتها الأخرى أكثر تشعر تجاهها بالحزن و الأسى.. مردفه بحنان...

= هو فعلا مريض يا عليا و محتاج وجودك جانبه.. هو مريض و الكبرياء كان منعه من العلاج أو الاعتراف بده ليكي... من حبه فيكي كان عايز يشوف نفسه دائما كامل في عينك.. و مكنش عايزك تحسي أو تجربي الشعور اللي كان بيحسه ده شعور بشع نفسي و جسمي... ازاي ممكن يعمل كده فيكي صدقيني محدش بيحبك في كوكب كله اده.. جربي تسامحي..