LET ME (COMPLETED)

බිහිසුණු අතීතය 😫

කෑම එක බෙදාගෙන අනික් පැත්ත හැරෙද්දිම.......හිටියෙ මෙංග්, මිසිස් ෆූ ගෙ මල්ලි. සීන් එකපාරටම බය වුණේ එයා හොල්මන වගේ සීන් ඉස්සරහට කරුවලේම ආව නිසා .

" ඇයි බය වුණා ද? මේ මමනේ. "

" ම්. මට මේ බඩගිනි නිසා කෑම ⁣බෙදාගන්න ආවේ. මිස්ට මෙංග් පවර් ස්විච් තියෙන තැන මං දන්නෙ නෑ. ඒකයි ඉටිපන්දමක් පත්තු කලේ. "

" හරි ඕක ඔතන තියලා එන්න මං පෙන්නන්නම් තැන. "

සීන් ට තවත් බයක් දැනුනෙ මේ වෙලාවෙම ස්විච් එක පෙන්නන්න එක්කන් යන්න හදන නිසා. මෙංග් සීන් ට දෙවැනි වතාවටත් කතා කරද්දි එයාට නොයා ඉන්න බැරි වුණා. කොල්ලා මල්ලි ගැන කියලා නිදහසට කාරණා කියන්න උත්සාහ කලත් ඒක හරිගියේ නෑ. මොකක් වුණත් කරන්ට් එළිය ඕනම නිසා කොල්ලා අකමැත්තෙන් මෙංග් එක්ක ගියා. මෙංග් සීන් ගෙ අතින් අල්ල⁣ගත්තේ තද කරලමයි. මෙංග් ළඟ තිබුණ ෆෝන් එකේ එළියෙන් එයා එක්කන් ගියෙ බැක් යාර්ඩ් එකට.

" බය වෙන්න එපා ළමයෝ. මං ඉන්නවනේ. "

මෙංග් එහෙම කිව්වෙ සීන්ගෙ අත ⁣සීතල වෙලා වෙව්ලනවා දැනුන නිසා. සීන් ගොඩක්ම බය වුණේ ඒ තැන දැකලා. මොකද එතන ලොකු පාළුවට ගියපු තැනක්. සීන් මෙච්චර දවසක් හිටියත් වටේ පිටේ දේවල් හොයන්න ගියෙ නැති නිසා මේ තැන ගැන දැනගෙන හිටියෙ නැහැ. යාර්ඩ් එක ඇතුලට ලොක් එකත් ඇරගෙන මෙංග් යද්දි සීන් ගෙ පපුවත් ගැහෙන්න ගත්තා. මොකද ඒ තැන හරිම භයංකාරයි. පරණ බඩු ලොට් එකක් එ්කෙ ඇතුලෙ තිබුණා සීන් ලාවට වගේ මෙංග්ගෙ ෆෝන් එකේ එළියෙන් දැක්කා. එකපාරටම ෆෝන් එකේ ටෝච් එළිය ඕෆ් කරපු මෙංග්, යාර්ඩ් එකේ දොර ඇතුලෙන් ලොක් කරලා යතුර කලිසම් සාක්කුවේ දාගත්තෙ හිතාගන්නවත් බැරි තරම් වේගෙකින්. අවුරුදු 10ක පුංචි සීන් බයටම පපුව අල්ලගත්තා.