LET ME (COMPLETED)

අන්තිම කැමැත්ත 😯

උදේම සීන්ට කලින් මුලින්ම බෝ ඇහැරුනේ ඉර එළිය ලොකුම ලොකු ග්ලාස් වින්ඩෝ එකේ කර්ට්න් අස්සෙන් බෙඩ් රූම් එකට වැටෙද්දී. සීන් නම් තාමත් බෝ ගෙ තුරුලට වෙලා හොඳට නිදි. එයා මීට කලින් මෙහෙම නිදාගෙන තිබුණේ නෑ. හැමදාම රෑට බයවෙලා කෑ ගහන වෙව්ලන සීන් අද කිසිම සද්දයක් නැතුව සැප නින්දක. බෝ සීන් දිහා බලලා ලස්සන හිනාවක් දාලා " මගේනෙ " කියලා එයාටම කියාගෙන සීන් ගෙ නළලට කිස් එකක් දුන්නා. බෝ ගෙ ලෝකෙම දැන් සම්පූර්ණ වෙලා වගේ හැඟීමක් බෝට දැනුනා. සීන් ව එයාගෙ තුරුලට තවත් ළං කරගන්න ගමන් ප්‍රාර්ථනා කලේ හැමදාමත් ඒ දෙන්නට මෙහෙම සතුටින් ඉන්න ලැබෙන්න කියලා. බෝ ට ඇඳෙන් නැගිටින්න ඕනකම තිබුණත් සීන් ගෙ උණුසුමෙන් ඈත් වෙලා යන්න ලෝභ හිතුන නිසා තවත් ටිකක් ඇඳටම වෙලා ඉන්න තීරණය කලා. උදේ 9 වෙද්දිත් සීන් නැගිටින පාටක් නෑ කියලා දැනුන නිසාම සීන් ව උණුසුම් රෙද්දකින් පෙරවලා බෝ වොෂ් රූම් එකට ගියෙ කලින් දවසෙ රෑ එයාලා කරපු දේවල් හිත හිතමයි.

(මේකෙ එයා උඩට ටී ෂර්ට් එකක් ඇඳලා නෑ කියලා හිතාගන්න 🤭)

බෝ නාලා කරලා ටවල් එක පිටින් බාත්රූම් එකේ දොර අරිද්දිම සීන් ට ඇහැරෙන්නෙ එයාගෙ ෆෝන් එක සද්දෙන්ම රිං වෙන නිසා. ඊයෙ රෑ ෆෝන් දෙකම ඕෆ් කරලා නිදා ගත්තාට බෝ බාත්රූම් යන්න කලින් ෆෝන් දෙක ඔන් කරලයි ගියෙ. බෝ ඉක්මණින් බෙඩ් ටේබල් එක ළඟට ඇවිත් ෆෝන් එක සයිලන් මූඩ් දාලා සීන් ළඟට ගියා. ළඟට ආපු බෝ ගෙ මූණ දිහා බලලා පස්සෙ නිරාවරණය වෙලා තියෙන උඩු කය දිහා බලපු සීන් ලැජ්ජාවෙන් බිම බලා ගත්තෙ බෝ එයා දිහා බලන් ඉන්නවා කියලා තේරුණ නිසා.