Wattpad Filipino Block Party 2021

helene_mendoza's Short Story

The Wattpad Filipino Block Party 2021

Title: THE MAGIC OF QUARANTINE

Code name: HM

User name: (Helene Mendoza)

DECLAN'S POV

Pang-ilang araw na ba ngayon?

Tumingin ako sa kalendaryo at binilang ko ang mga araw. Mahina akong napamura. Ten days. Ten days na akong bored na bored dito sa inuupahan namin ni Yosh. Ten days na akong walang ginagawa dito kundi magbabad na manood ng TV. Nauumay na ako sa mga series na nakikita ko sa Netflix. Sawang-sawa na akong magkulong dito na mag-isa.

Fuck this COVID virus and this quarantine.

Ten days ago, I captured the serial killer that I was looking for years. The Night Stalker. Serial killer na pumapatay ng mga call center agents na umuuwi tuwing gabi. It was two years ago when the gruesome killing started that took lives of more than ten victims.

At dahil magaling ako kaya nahuli ko ang killer na iyon. Oo, magaling talaga ako. Love life ko lang talaga ang hindi magaling dahil hindi ko nakuha ang babaeng gusto ko. Pero okay na rin. Basta masaya siya sa lalaking iyon, masaya na rin ako para sa kanya.

Kaya naman talagang ginawa kong busy ang sarili ko. Missions after missions just to forget her. At ito nga, nahuli ko ang killer na iyon. Sikat na naman ako sa agency. Asar na naman sa akin si Chief Coleman. Masarap talagang binubuwisit ang boss ko na iyon. Palibhasa walang love life kaya masungit na matandang binata.

But ten days ago as I was about to go back to the agency to get another mission, I had a call that I needed to stay at home. May nangyari daw at hintayin ko ang pagdating ng doctor ng agency para ma-check ako. Bakit kailangan akong i-check? Wala akong sakit. Normal na normal ako. Pero wala akong magawa. Kailangan kong sumunod sa utos ng boss at kahit labag sa kalooban ko, hinintay kong dumating si Dominic dito sa apartment.

Weird, ha? Bakit naka-Hazmat suit si Dominic nang dumating dito? Pati ang mga assistant niya. Tapos kumpleto pa ang lahat ng gamit para sa isang thorough check-up. They had to check me up again samantalang kakatapos lang ng annual physical exam ko at sigurado akong normal ang lahat sa akin. They immediately tested me for COVID-19 infection. COVID? Bakit? I followed every protocol that the government issued every time I was going out. Pati nga ang nakakairitang face shield lagi kong suot para makasunod lang sa batas. I knew I am careful. Kaya ano 'tong paandar na kailangan akong i-test for this virus?

And to my fucking surprise.

I tested positive.

For COVID.

Shit.

Paano nangyari iyon? Wala naman akong nararamdaman na kakaiba sa katawan ko. Normal na normal ang pakiramdam ko. Kahit sipon, ubo, sinat o pananakit ng katawan ay wala akong na-experience. Ang lakas-lakas ko kaya paano akong naging positive?

And Dominic told me that, that fucker, The Night Stalker was COVID positive when I arrested him. He was totally okay when he was arrested but after days, he suffered a cardiac arrest and died. All of those people who were included in the arrest were tested, and lucky for me, I was the only one tested positive. Fuck it.

Kaya ito ako ngayon. Kahit asymptomatic, daig pa ang bilanggo na nakakulong sa bahay na ito. Kung dalhan ako ng pagkain ni Yosh ay iniiwan lang sa tapat ng bahay. Takot mahawa ang animal. Sabagay, kahit ako naman ay hindi ko isusugal ang kalusugan nila. Ako na rin ang nagsabi na lumayo na muna sila sa akin dahil ayaw ko din silang mahawa. Hindi biro ang virus na ito. Napakaraming pinatay at ayokong isa sa mga kakilala ko, o mahal ko sa buhay ang mabiktima nito. Tapos sa akin pa nahawa. Hindi yata kakayanin ng konsensiya ko.