الفصل 16
((غابة الكينج))
بعد مرور قليل من الوقت عاد زين ليطمئن علي براءه
وجدها تجلس بحزن علي فراشها أقترب منها ثم جلس لجوارها
- عامله ايه دلوقتي يا براءتي
رفع يده ليزيح شعرها الذي غطا ملامح وجهها من أثر الغضب ومسح دموعها
- لسه خايفه
= أنا خايفه منك انت
- طب اعمل ايه يطمنك، اي رائيك أخدك لريم
هزت رأسها بالموافقه وهي تسأل نفسها لماذا ريم
بينما في مكتب الديلر
- المعلومات اللي عندي بتقول أن معاد تهريب المخدرات الأسبوع الجاي بس اليوم والساعه لسه متحددوش يعني هنبقى كلنا علي أستعداد تام
والكل هيعرف الميعاد بالظبط عن طريق التليفون أو السماعه اللي أحنا بنستعملها ، تاني حاجه أحنا عرفنا مكان ساندرا بس مش هنقدر نروحلها غير في المعاد المظبوط ، نحاول نروحلها أثناء حدوث العمليه عشان نضمن أن الكينج ميكونش هناك ، طبعاً الكينج مش هيسيبها من غير تأمين أكيد هيكون في حرس عندها
في حالة حدوث تغير مفاجئ في اي حاجه أو تغير معاد العمليه في اللحظه الأخيره هنلجأ للخطه البديله
وهي أن كل واحد هيحاول يحمي نفسه ويوصل للمكان اللي كلنا هنتقابل فيه ، عند الظابط حسام
وهناك هتكون طائره خاصه هتنقلنا كلنا إن شاء الله لمصر ، أهم حاجه لازم كلنا نبقا علي أتصال وزي ما قولت لو الأتصال أنقطع بينا هنروح علطول لبيت الضابظ حسام
بعد أنتهاء الأجتماع ذهب الديلر لريم يعتذر منه علي كل ما مضي ويطلب منها ان تعتني بابنه
- لو حصلي حاجه في العمليه أوعديني تخلي بالك من يوسف
أمسكت أيده بشده ولهفه
-انت هترجع مصر وتخلي بالك منه بنفسك ، كلنا هنرجع مصر كاملين إن شاء الله
نظر الديلر ليديه وأندهش من لهفته عليه بهذه الطريقة
مما جعلها تشعر بالخجل الشديد فتركت يده فوراً وهي في غاية التوتر ، أمسك يديها وأقترب منها وقبلها علي جبينها
- أوعديني يا ريم
((((بعد مرور كام يوم))))
أجتمع الكينج بـ ( الديلر ، أسد ، الشبح ، زين ، الزعيم ، وكام فرد آخر من أفراد غابة الكينج ) وبعد أنتهاء الأجتماع ذهب الديلر وريم لمنزل أسد ، نظرت ريم إلي الديلر بأشاره أن يأخذ اسد ويخرج الحديقة
بالفعل نفذ الديلر وأستغلت ريم هذا الأمر وأقتربت من نور
- أسمعيني كويس وركزي معايا الورقه دي فيها عنوان لازم تكوني في العنوان دا بكره وأنا هتصل علي تليفون الأرضي وهبلغك المعاد اللي تتحركي فيه بكره
= عنوان ايه دا ، وانتِ بتعملي كدا ازاي
- هنرجع مصر بكره إن شاء الله بس مش هقدر أشرحلك كل حاجه دلوقتي ، نفذي بس اللي قولتلك عليه
= ولو معرفتش أخرج من أسد
- هو مش هيكون موجود في الوقت دا
= وانتِ عرفتي ازاي
- بكره تعرفي المهم أوعي أسد يحس بحاجه وإلا كلنا هنروح في داهيه ، العنوان دا تحفظيه كويس وتقطعي الورقه ، ولو معرفتيش تحفظيه ، خبيها في مكان أسد ميعرفش يوصله
دخل الديلر وأسد عليهم
- يلا بينا يا ريم
جائت ريم لتذهب ولكن أوقفتها نور ثم أحتضنتها وهي تبكي ليتحدث الديلر في سره
- الله يخربيتكم هتفضحونا
