البارت الاول
#قلب_لاينبض
زين الشرقاوي ، شاب يبلغ من العمر الخامسه والثلاثون ، يقضي معظم أوقاته مع الحيوانات التي يرببها فهو لا يجيد معاشرة البشر والعيش معهم ولكن يجيد التعامل مع الحيوانات ، وخاصة الحيوانات المفترسه ، فهو لديه ڤيلا كبيره يعيش فيها وحده ومخصص جزء من حديقة الڤيلا للحيوانات المفترسه الذي يريبهم ويعرف كيف يرودهم جيداً ، هذا المكان عباره عن بيوت صغيره من الحديد گ الاقفاص الحديدية المتجاوره
وأسعد لحظاته عندما يقف وسط هذه الاقفاص ويستمع وينصت لـ زئير تلك الحيوانات
كأنه يتحدث معهم وينظر إليهم بتلك العينين المخيفتين كأنه يفهمهم ويفهمونه ، ليس لديه من عائلته سوي والدته وشقيقته ، يعيشون في مكان آخر ويذهب إليهم
يقف وسط حيواناته ينظر لكل منهم تري ثم يلتفت إلي الآخر وهو يدخن سيجاره الفخم يوجد أيضاً صديقه الوحيد أبن عمه يوسف يتأمله بحزن لا ينبض قلبه إلا بالشر وشهوة الأنتقام الذي أرضعته له أمه من صغره ، فوالدته دائماً تحثه علي الأنتقام ممن كانوا السبب في قتل أبيه
- كل المعلومات اللي طلبتها في الملف ده
= مش عايز اقراء ، قولي ايه اللي انت عرفته وخلاص
- أحمد عبد المعطي ، كان من أهم رجال الأعمال في البلد ولكن حبه للستات والاومار خسره كل حاجه ، معندوش غير شقة صغيره بيعيش فيها هو وبنته
ومبلغ صغير في البنك يدوب يعيشهم
= وبنته؟
- أسمها همس ، خمسة وعشرين سنه لسه مخلصه جمعتها وبتشتغل في شركة حسين المهدي دا صاحب أبوها
أخذ نفس من سيجارته وزفره بنشوة الأنتقام التي تتأجج داخله قائلاً بكل كره
- همس أحمد عبد المعطي
= ناوي علي ايه بالظبط يا زين
- تجبهالي بأيه طريقه
= أجيبهالك ازاي يعني
أبتسم وهو ينظر له
- هتشتغل عندي سكرتيره ، مش هموتها يعني
= يبقي نهاية البنت دي علي أيدك يا بن عمي
في مكان آخر
- بابا انت فكيت الوديعه اللي في البنك هو أنا كل مصلحها من ناحيه انت تبوظها من ناحيه التانيه ، انت عارف كويس أننا مبقاش عندنا حاجه خالص ، عايزنا نشحت في الشارع يعني
= فلوسي وانا عايزها هتحسبيني ولا ايه
- لا مش هاحسبك ، بس انا تعبت خلاص مش قادره على المشاكل دي كلها ، ديونك انا اللي عماله أسدد فيها وانت بتاخد الفلوس وبتلعب بيها اومار وبتصرفها علي الستات ، حرام عليك بقا
هم والدها واقفاً من علي الفراش بغضب ثم أمسكها من شعرها بقوه جعلتها تصرخ
- دا اللي عندي مش عجبك شوفيلك حتي تانيه عيشي فيها ولعلمك بقا أنا هبيع الشقة دي
ألقاها علي الأرض وتركها وذهب خارجاً
- جتك القرف نكديه زي أمك ياريتك كنتِ مُتي معاها كنت خلصت منك انتِ كمان
في مكان آخر تجلس كل من شهد شقيقة زين ووالدتها عايدة
- ما تكلمي زين يجي وحشني اوي
= أخوكِ عنده شغل ولازم يخلصه
- هو موحشكيش ولا اي دا بقاله أسبوعين غايب بره البيت حتي مش بيتصل
= أبني عنده هدف مش هيرتاح غير لما يخلصه ، أنا أبني راجل مش عيل
- هو يعني لما يجي يطمن علينا هيبقي مش راجل
= قولتلك عنده شغل لما يخلص هيجي
وقفت شهد بحزن وأتجهت لغرفتها تتحدث مع صديقتها المقربة وتلك كانت هي همس، أجابتها محاوله أن تسيطر علي حالها ولكن سريعاً ما أكتشفت صديقتها أمرها
- صوتك ماله يا همس هو باباكِ مد أيده عليكِ تاني
= ضربني و أخد الفلوس اللي كنا شايلنها وعايز يبيع الشقة ، مش عارفه أتصرف ازاي تعبت معه
- هو بيعمل كدا ليه بس دا بدل ما يفوق لنفسه ، انتِ أنقذتيه من السجن كذا مره هو هيفضل محمل عليكِ لحد أمتي
قرر زين أن يذهب لوالدته ويخبرها بالمعلومات التي وصل إليها في أتجه لأبن عمه يخبره
- جهز نفسك هننزل أسكندريه
= ليه خير في حاجه
- مفيش بس بقالي أسبوعين مشوفتهمش وعايز أطمن عليهم
= تمام هنسافر أمتي
- نخلص الشغل اللي في أيدنا ونسافر علي طول ، عملت ايه في موضوع همس
= قابلت أبوها وقولتله لو خليت بنتك تشتغل عندي
هديها أربع أضعاف مرتبها اللي بتخده عند عمران
- وهو وافق ؟
= من غير اي كلام قالي هتكون عندك بكره
- كلم الأداره يعينوها سكرتيرتي الخاصه لحد ما نسافر ونرجع
= البنت ملهاش ذنب في اللي أبوها عمله زمان
- اي زعلان عليها
= زعلان عليك انت يابن عمي وحزين علي قلبك الميت اللي ميعرفش غير الأنتقام
- طب أخلص علشان نلحق نسافر
وصل زين ويوسف للأسكندرية ، هرولت اليه شهد عندما رأته تحتضنه بأشتياق ولكن لم تمهله الام كثيراً جائت ترحب علي يوسف ثم نظرت له
- تعالي يا زين معايا المكتب عايزاك وانتِ يا شهد خليهم يحضرو الغدا ، البيت بيتك يا يوسف
دخلت للمكتب وأغلقت خلفها
- ها يا زين وصلت لجديد
= قريب هتسمعي أخبار تفرحك
- وعد مني يازين لو تعملها هكتبلك كل حاجه بأسمك
= مش عايز حاجه غير اني أفرحك وأسعدك بس يا أمي
في منزل همس جاء والدها ليخبرها بـ العمل الجديد
- أنا جبتلك شغل جديد عند ناس أصحابي بمرتب عالي اوي هيخلنا نعيش مرتاحين
= الشغل اللي أنا فيه كويس ومكافينا
- انتِ تسمعي اللي بقولك عليه وخلاص ، الشغل دا في القاهره ودا العنوان
= ازاي هنزل القاهره لوحدي وهشتغل هناك ازاي وانت هنا يعني انت عايزني أعيش لوحدي
- لا مش لوحدك أنا بعت الشقة والمشتري هيجي يستلمها بكره وهننزل أنا وانتِ القاهره هنشتري هناك شقه صغيره هنعيش فيها
= بس أنا حياتي وأصحابي كلها هنا
- وأنا الديون والسجن بيجري ورايا هنا ، أسمعي الصبح القيكِ جاهزه عشان ننزل القاهره ودا أخر كلام عندي
جلست مصدومه في مكانها لاتدري ماذا تفعل وكيف ستترك حياتها هنا وكيف ستبدء من جديد
( يا صغيرتي كثير عليكِ ما انتِ فيه الآن ، كيف سيتحمل قلبك الرقيق كل هذا الالم والحزن ، وماذا تخبئ الحياه لكِ مع قلب لا ينبض 💔 )
