اابارت 6
#قلب_لا_ينبض
أمر الضابط بإحضار همس عندما وصل زين وبالفعل نزل العسكري للحجز وفتح الباب لينادي عليه ، ولكن لم يجبه أحد فكانت همس في حاله يرثي لها نائمه علي جنبها في الأرض ملفوفه في ملاءه وملابسها ممزقه وملقاه بجوارها علي الارض كما كان علي جسدها الرقيق اثار الضرب حيث أجتمعت عليها بعض السجينات وأشبعنها ضرباً حتي فقدت وعيها وقاموا بتمزيق ملابسها وهذا طبعاً أمر مدبر من زين الشرقاوي حيث يريد أن يجعلها مزلوله وفي قمة الرعب حتي توافق علي ما يريده ويكمل هو خطة الانتقام ، وهذا ما حدث بالفعل ، عاد النداء لتجيب أحد السجينات
- أهي مرميه عامله فيها ميته
أقترب منها العسكري وجذبها من ذراعها
- انتِ عملتي فيها ايه يا جملات ،. انا قولتلك ظبطيها بس مش كدا
= ما هي اللي عممللنا جايه من أمريكا وبعدين أنا يدوب ضربتها حتة علقه صغيره هي اللي خفيفه مستحملتش
- الله يخربيتك هتودينا في داهيه دا كان ناقص تاكليها
أخذها وصعد للأعلي ، حيث ينتظر زين فريسته ، ولكن عندما رأها والدها من بعيد أسرع لها وهو ويصرخ
- بنتي ، عملتوا فيها ايه انا هوديكو في داهيه انا مش هسكت علي اللي حصل وهعمل محضر باللي حصل عملتوا ايه في بنتي
ظل هكذا حتي دخل لمكتب الظابط وهو يحضن أبنته أوقفه الشرطي بغضب
- هي اللي لسانها طويل أتخنقت مع السجينات وغلطت فيهم نعملها ايه ، وبعدين البنت اللي عملت فيها كدا أنا حبستها حبس أنفرادي ، أعملك ايه تاني
كل هذا يحدث تحت أنظار زين الذي كان نظره معلق علي همس يتلذذ بما هي فيه ، هي الأخري تنظر له وهي تعلم أنها دخلت بيت الشيطان ولن تستطيع أن تخرج منه أبداً
- أنا عايز أعرف بنتي أخدت فلوس من مين
ليتحدث زين بهدوء
- أخدت مني مليون دولار وكتبتلي بيهم وصل أمانه ،، غير الشرط الجزائي اللي عليها عشان سابت الشغل بدون أذني ودا بـ مليون جنيه
حرك رأسهل يمين ويسار تنفي هذا الحديث
- كدب ومحصلش
أمسكت بوالدها بقوة ، جسدها يرتعش والرعب يدب في أوصالها ، خوفاً لعودتها للسجن وتلك النسوة مرة أخري ليتحدث زين
- ممكن بعد اذنك يا حضرت الظابط تسيبنا شويه مع بعض يمكن نعرف نحلها ودي
= ياريت تحلوها ودي لأنها بمناظرها دا ماتقدرش تقعد في الحجز عشر دقائق تانيين
خرج الظابط ليقترب والد همس من زين
- حسابك معايا أنا ، مش مع بنتي
= حسابي معاك ، بس في بنتك ، بنتك مش هتخرج من هنا غير بطريقتين ، الأول انكم تدفعوا الفلوس ودا طبعا مستحيل ، والتاني انك توافق علي جوازها مني
- مستحيل مش ممكن انت بتقول ايه ، انت عايزني أسلمها للشيطان بإيدي
تحدثت همس بخوف
- موافقه
= همس انتِ بتقولي ايه
- أنا مش هقدر أقعد ثانيه واحده هنا يا بابا أنا موافقة ، بس طلعوني من هنا
ألقي زين عليها الأورق لتمضي همس بخوف ولكن لا حل أمامها سوي هذا ، أنهي محامي زين كل المطلوب لتخرج همس، أقترب زين منها وأمسكها من زراعها بقوه وسحبها خلفه ، بعد مرور الوقت فقد والد همس الوعي ونقل للمشفي بأزمة قلبية، أتصل محامي زين يخبره، نظر لهمس فوجدها متعبه للغايه وتستند برأسها علي زجاج السياره وتنظر للخارج وهي تبكي بكاء مرير علي ما حدث لها ، أقترب من أذنها يهمس
- شدي حيلك للجاي ، دا اللي جاي أتقل
وبعد مرور الوقت وصلت لمنزله ، لتجده أشبه المقبره حقاً فكل شئ فيه أسود ، الستائر الفرش وشكله مخيف حقاً ، كما أن هذه الأصوات التي تسمعها تجعلها تذوب في نفسها من الرعب فهي لاتستطيع أن تحدد ما تلك الأصوات
- ياريت متعمليش مشاكل وتكوني عقله كدا عشان انتِ عارفه غضبي
تركها وذهب لشركتة ليستقبله ابن عمه يوسف
- اي ياعم كنت فين دا العميل الجديد موجود من بدري لمازهق
= كنت بتجوز
لم يستطيع يوسف أن يمسك نفسه من الضحك فهو حقاً أصيب بنوبة ضحك غير عادية علي هذه الكلمه
ليسأله
- أخص عليك من غير ماتعزمني ، وده من اي ان شاءالله
أجاب زين بتلك البرودة المعتادة
- لما تخلص ضحك هقولك
= لا بجد كنت فين
- كنت بتجوز قولتلك
= عايز تفهمني أن انت وكامليا اتجوزتوا فساعه ، كدا من غير فرح من غير معزيم ، دي عايده هانم كانت قتلتك انت وهي
- ومين قال إني أتجوزت كامليا
= اُمال أتجوزت مين
- همس
= مين !!!!!!!!
