البارت 26
قلب لا ينبض 💔
لا يصدق ما سمعه هل حقاً امه هي من قتلت أبيه ، هل حقاً عاش طيلة حياته في كذبه وكانت عايده تربيه وتشجعه علي الأنتقام والثأر لأبيه ، هل حقاً ظل يعذب تلك البريئه علي ذنب لم يكن لها صله بيه
جلس زين علي أحد الكراسي بصدمه كبيره مما سمعه
انتِ اللي قتلتي بابا ....
ليسمع زين صوت يرد عليه
دا لو كان سيد الشرقاوي هو أبوك أصلاً
نظر الجميع بصدمه للخلف ليظهر شاب في عقده الثلاثيني ..
- مستغربين ليه ، أحنا في زمن ملعون الإنسان يتوقع اي حاجه واي أذي حتي من أقرب الناس ليه
= انت مين ؟؟!!!
- جاسر معتز الدهشوري ، أبن رجل الاعمال الكبير المعروف معتز الدهشوري وأبن سيدة الأعمال المعروفه عايده هانم خلف ....
نظر زين بصدمه لوالدته
- معتز ، هو دا الأسم اللي بكر قاله قبل ما يموت
علمت عايده أنها علي حافة الهاوية الآن فكانت تمسك بيديها تليفونها المحمول فأسرعت بالأتصال بمعتز الذي كان يسمع الحديث الذي يدور بينهم ، مد جاسر ورقه لزين
- ده تحليل عملته عايدة هانم من ورا سيد الشرقاوي اللي يثبت انه مش بيخلف
كانت هذه الصدمه الكبري للجميع وخاصة شهد وزين
- مش فاهم حاجة
= عايده هانم قبل ماتتجوز سيد الشرقاوي كانت متجوزه من أبويا معتز الدهشوري ، وجيت أنا وبعد كدا اطلقوا عشان عايده طمعت وكانت عايز تتجوز سيد الشرقاوي عشان فلوسه ، أبويا مكنش لسه وصل للمكانه اللي هو فيها دلوقتي ، طبعاً بعد ما عايده أتجوزت سيد الشرقاوي محبوش بعض وعالطول خناق ومشاكل وخاصة بعد ما عرفت انه مبيخلفش ، أتنزلت عن أبنها الوحيد عشان طماعه وعشان الفلوس ، بعد كدا رجعت لمعتز الدهشوري وكانوا علي علاقه غير شرعيه ، يعني اخر قرف، طبعاً حملت مرتين بعدها مره زين ومره شهد ، بعد كدا اتفقوا علي قتل سيد الشرقاوي بس قاعدو يدوروا علي مين اللي يبلس الجريمه مين ، مين ، عايده هانم ملقيتش قدامها غير أحمد عبد المعطي وبتخطيط جهنمي من عايده اتنفذت الجريمه بس للأسف يا عايده هانم كل حقيقه غايبه مسيرها تنكشف حتي ولو بعد عمر وسنين طويله ....
تحدث عمران بموافقة علي حديث جاسر
- الكلام اللي بيقوله جاسر دا ، بعد ما سيف رجع وقالي علي التسجيل دا ، انا كنت عارف أن عايده كانت متجوزه معتز الدهشوري قبل سيد الشرقاوي فشكيت أن معتز يكون هو الرجل المجهول اللي قتل سيد الشرقاوي وخاصة بعد أحمد عبد المعطي متقتل هو كمان وكنت علي علم أن معتز الدهشوري عنده ولد بيشتغل ضابط في الداخليه فرحتله وقولتله يفتح قضية قتل سيد الشرقاوي وقولتله علي الادله الجديده في الأول كنت متردد لانه أبن معتز وممكن ميصدقش أن ابوه وعايده يعملوا كدا بس فعلاً يخلق من ظهر الفاسد عالم سمعني لآخر وعمل تحريات وبحث لحد موصل لدليل أدنت معتز الدهشوري وخصوصاً لما سمع صوته في التسجيل وأتعرف عليه ...
زين لا يعطي اي رد فعل فقط يبكي بصمت وهمس تنظر له باندهاش
- دا زين اللي أول ماشوفته قولت عليه الوحش الكاسر
في هذا الوقت قام جاسر بسحب سلاحه في وجه عايده
- ودلوقتي لازم أقبض عليكِ عشان كل واحد ياخد جزاء ما عمل
أخرجت عايده سلاحاً ووجهته علي رأسها تحت صراخ الجميع، ركع زين بجوار جثه والده الملاقي علي الأرض يصرخ ، في هذا الوقت تفاجئ الجميع بصوت طلقات ناريه ورصاص يدخل المنزل من كل مكان
- انزلوا في الأرض
أسرع زين لـ همس بعدما رأي يوسف يحمي شهد ، أخذ خليل طلقه ناريه في صدره ووقع بالقرب منهم ، فأسرع اليه على وجذبه للحائط
طلب جاسر دعم من الشرطة وسيارة الاسعاف للمصاب ولكن الأمر يحتاج لكثير من الوقت
- حد فيكم معه سلاح
أجاب زين وسيف معاً فطلب منهم ان يغطو عليها ليستطيع الحركة في ذلك الوقت جأئت رصاصه لـ سيف فصرخت همس راكضه لاخيها فوقف زين بعدم انتباه لحماية همس ليلقي نصيبه من الرصاص أيضاً
