البارت 9
قلب لا ينبض 💔
في الاسكندرية تحديداً في غرفة زين يجلس بصمت يهرب من الضجيج في الأسفل فوالدته تجهز لحفل زفافة من كاميليا ، صعدت شهد شقيقة زين لغرفته
- زين انت مبسوط ؟!! انا عارفه من زمان انك مش بتحب كاميليا ، هتتجوزها ازاي ، وليه بالسرعه دي دا الفرح النهارده ،،انت متأكد من الخطوه دي يا زين
= انا عارف انا بعمل ايه ،،،وبعدين انا مش فاهم انتِ ليه واخده موقف منها هي وأهلها أصدقاء عليتنا من زمان
- مش برتحلها خالص
=يعني هتعملي عليها حمه
- انا ، هو انا بعرف ازعل نمله حتي
= طيب يلا روحي عشان تجهزي نفسك وانا كمان أكمل لبس
- هو يوسف جاي
= لا
- ليه المفروض يحضر الفرح متنساش انه أبن عمنا وصحبك وشريكك
= وايه كمان
- لا هو يعني
= طيب طيب خلاص فهمت
أقتربت منه قصدت أغاظته فحركت شعره بيديها لأنها تعلم ان هذه الحركه تضايقه جداً
- فهمت اي بقا يا رخم
= شهد لا بوظتيلي شعري
- أحسن بس
قالتها وهي تسرع لغرفتها ليبتسم هو
- ماشي حسبنا بعدين يا مجنونه
كل شخص قاسي في هذه الحياه يحب أن يقسي علي الجميع إلا بعض الأشخاص ، يقف أمامهم ويتحول من وحش لكتلة من المشاعر ، فكيف هذا القلب الذي لا ينبض ،،يعرف أن يضحك ويلهو مع شقيقته ،،،اليست تلك البريئه التي يخطط ليهدم حياتها هو ووالدته مثل شقيقته،،تريد أن تكون سعيده وتحب وتعيش حياتها كما تريد ،، اليس هذا ظلم البشر ؟؟!!!!!
هبط زين للأاسفل وأستقبل أهل كاميليا وجاء يوسف أيضا وبدء الضيوف في الحضور وحفل الزفاف سيكون في حديقة المنزل فقد صرفت كثير من الأموال وأحضرت كثير من العمال ليكون كل شئ جاهز للزفاف في أسرع وقت ممكن ، ليهمس يوسف لصديقه
- أنا مش فاهم حاجه خالص ، هو دا فرح مين
= فرحي
ضحك بوسف وهو يضع كف علي كف
- يعني انت كدا هتتجوز اتنين في أسبوع واحد أوعدنا يارب
= بطل هيافا بقا
سحر يوسف بنزول معشوقته حمحم بحرج وأبتعد عن زين وأتجه لها
- يلهوي علي الجمال ،الحمد لله أهو أخوكِ أتجو بدل المره اتنين ، كدا أتجوزك أنا بقا والست أمك ماعندهاش حجة
= اي ؟!!اتنين ازاي يعني
- ااااقصدي كاميليا يعني بمعدل اتنين
بعد قليل حضر زين ومعه كامليا ترتدي فستان رائع فخم ، كما ترتدي طقم من الالماس جعلت عيون الناس تتعلق عليه وتتتهامس عليه من فخامته
ودخل زين وكاميليا تحت أنظار الجميع المبهورين بهم تحت انغام موسيقى رومانسيه هادئه ، ظل الحفل عدت ساعات ورقص الجميع وغنوا وكانت ليله كألف ليله وليله حقاً من فاخامة التحضيرات والتجهيزات ، انتهي الحفل وذهب الجميع ،وصعد زين وكاميليا لغرفتهم ، أقتربت كامليا من زين وأحضتنته
- أخيراً حلم حياتي أتحقق
تركها وذهب لشرفة الغرفه ليشعل سيجاره الفخم في الهواء لتلحق به
- انت مش فرحان ليه
= في موضوع شاغلني ، أسمعيني كويس يا كاميليا ،انا في عندي هدف مهم وأتجوزتك عشان أحقق الهدف دا ، أسالي أمي تبقي تفهمك ،ودلوقتي انا عايز انام
نظرت إليه كامليا بصدمة وهو يذهب ليبدل ملابسة ولكن تبدل حاله عند وصول تلك الرسالة ، لينقلب وجهه ويجز علي أسنانه وتحمر عينيه من الغضب حتي ضرب بيده المرآة لتقع علي الارض مكسره الي قطع صغيره لتصدر صوتا كبيراً جعلت كاميليا تنفزع في مكانها
