البارت24
قلب لا ينبض 💔
= سيف أخويا وعمي عمران ..
قام زين بغضب
- لا
= ليه انت عايز توصل للي قتل باباك وهما دول اللي هيسعدوك
وقف ليخرج
- رايح فين
= عايزه ايه ...
- انت هتنام فين ..
= تحت
- لا
قالتها بخوف لينظر لها
- مش فاهم
= نام هنا في الاوضه معايا ....
- مافيش كنبه هنا أنام فين ، جنبك علي السرير ...
قالها بسخرية لتنظر إلي الأرض بجوار الفراش
- هنا !!
خرج زين بدون ان يتكلم فشعرت بالخجل الشديد من نفسها لانها طلبت من زين أن ينام معاها في الغرفه ، هنا دخلت عليها شهد مسرعة
- أحنا نسينا نجيب هدوم هنعمل ايه دلوقتي
= يابنتي خضيتني حد يدخل زي القضا المستعجل كدة ، قولي لزين يجبلنا
- مالقتيش غير زين قالب وشه زي الست المطلقة
دخل عليهم زين بغضب
- بقا انا زي الست المطلقة ، طيب تعالي بقا وانا مش هخلي فيكي حته سليمه
أسرعت مهروله بعيداً ودون قصد دفعت همس إلي الامام كادت أن تقع ولكن زين كان الأسرع فأمسكها فوقع علي الأرض وهمس فوقه كما خبطت مقدمة رأسها في صدره وشهد تضحك عليهم ، رفعت رأسها لتتقابل عينها بعينيها ، سرحت في تلك العينين وتلك الأبتسامه فهي لأول مره تري زين مبتسم ويضحك
كان زين يضحك وهو ينظر لشقيقته شهد وفجأة نظر لـ همس ليجدها في عالم أخر تسرح في أبتسامته الجميله التي أسرتها فنظر في عينيها واطال النظر ولأول مره يشعر زين بدقات قلبه المتسارعة وهو ينظر في عينيها ثم رفع يديه يزيح بعض خصلات شعرها التي كانت أمام عينها ليدقق النظر فيهم ويري جيداً هذا الجمال وهذه البرائه ، شعرت همس برجفه في جسدها عندما لمس زين شعرها و وجهها وذهبوا الاثنان في عالم أخر
- احم احم نحن هناااااا
توترت همس وحاولت أن تقوم وساعدها زين الذي كان لايقل عنها توتر من تلك المشاكسة شهد
دخل عليهم يوسف
- اي يا جماعه الاكل برد اي يا زين هو أنا قولتلك تناديهم ولا تقعد معاهم ...
= أصبر بس ، أصل كان في حتة مشهد رومانسي هنا زي بتاع المسلسلات بالظبط
شعرت همس بالخجل الشديد وأحمر وجهها بشده ....لاحظها زين
- يلا عشان تكلي ...
= لا لا أنا مش جعانه
ضحك زين ضحكه خفيفه علي خجل همس وتوترها
وأمسكها من يديها
- يلا ناكل
كاميليا : انا ....انا زين يطلقني قدامهم كلهم
كدا ....ماشي ...ماشي يا زين ...
ادم : معلش ...بس انا هعرف انتقم منه كويس اوي
في منزل كاميليا تتحدث مع أخيها
- لازم يندم هو و اللي اسمها همس عايزه أقتلها بإيدي عشان أرتاح
= تنتقمي منهم ماشي بس تقتليها لا
- ليه بقا ...
= أنا عايزها
- انتو مالكو كلكم هتموتو عليها كدا ليه ...
= البت مزه علي حق وتستاهل
- أدم أحترم نفسك
= انتِ مش ليكِ زين وخلاص ، انا هخليه يجيلك راكع تحت رجلك عشان ترضي عنه ...
- لو عملت كدا فعلاً ، تبقى حلال عليك البت دي
= البت دي مجهودي أنا لنفسي لكن انا عايز الحلاوه منك يا كوكو
- ماتبقاش أدم لو عملت حاجه من غير مقابل عايز كام
= خمسين ..
- خمسين اي !!!
= ألف
- خمسين ألف جنيه
= جنيه اي يا كوكو متركزي معايا دولااااار
- دولار. ، انت أكيد أتجننت
= وأتجننت ليه ، انتِ هتتجوزي زين باشا شوفي بقا زين بملاينه وفلوسه يساوي كام بس انت عملت معاكِ واجب عشان أختي بس
- نفذ انت بس وبعد كدا اللي انت عايزه
في منزل معتز
- أنا سيبتك براحتك كتير بس خلاص انتِ عارفه انا معنديش عزيز ولا غالي
= متنساش انه ابني هي عرفت تمثل عليه وتضحك عليه كويس
- ميخصنيش لو لقيت اي خطر بيقرب مني هاخد في وشي ومش هيهمني ، انتِ عارفه مكانتي في الدوله مش عايز اسمي يتلط وسمعتي اللي يجي جنبهم انسفه واظن انتِ عارفه كدا كويس ...
= طيب عملت ايه في موضوع احمد
- مسحت صورنا من كاميرات المراقبة بس وبعد كدا مش مهم هما كدا كدا مش هيعرفوا يوصلوا للي قتل ، أعرف بس التسجيل دا فين وأخلص منهم كلهم ...
= مش عيب يبقى واحد في مكانتك دي ومش عارف يوصل لحتة تسجيل زي دا
- ملوش اثر ، انتِ متأكده انك سمعتي
= سمعته بودني ، الأتفاق اللي حصل بيني وبينك لقتل سيد الشرقاوي ..
