البارت 4
#قلب_لا_ينبض
في صباح اليوم التالي وقد تعدت الساعه التاسعه صباحاً ، أستيقظ والد همس ، يشعر بدوار وصداع اثر الكحول الكثير الذي تناوله ليلة أمس ، قام من فراشه متجها للمطبخ ولاحظ أن باب غرفة أبنته مفتوحاً فنظر للداخل ليجدها نائمه مُنذ أمس ولم تذهب للعمل وهذا ثاني يوم لها ، فأسرع إليها
- همس أصحي ، فوقي يلا الساعه تسعه اتأخرتي علي شغلك
قامت من نومها مفزوعه تحضر نفسها للعمل تركض هنا وهنا وهو يرمي لها الحديث
- ما انتِ نايمه في العسل ، وأحنا مصدقنا لقينا شغل كويس وبالمرتب ده
( كيف تعاتبها علي مسؤليه لم تكن لها لتتحملها فأنت تطلب منها أن تعمل وتعطي لك المال وانت تجلس في بيتك مابين الخمر والنساء ، والان تعاتبها ، بأي حق هذا ؟!!!)
تدبرت نفسها وقبل خروجها أوقفها مجدداً
- أستني أنا عايز فلوس
لم يكن الوقت معها لتسأله اين الاموال اللتي أخذها مُنذ يومين فهي تكفيه أسبوعين علي الأقل
فأخرجت من حقيبتها مبلغ من المال وتركته علي الطاولة وخرجت مسرعه وهي تقول
- متصرفهاش كلها دي أخر فلوس معايا أحنا لسه في نص الشهر
في مكتب زين يتحدث مع عبير بغضب تلك المساعدة الخاصة له
- نقفل الشركه ونفتحها جمعيه خيريه ، ونروح نصحي الموظفين من بيوتهم كمان ، أتفضلي علي مكتبك وأول ما توصل خليها تجيالي
خرجت مسرعه لتتصادم بيوسف ليتحدث وهو يعدل ملابسه
- مالها دي ، وانت مالك انت كمان
= مانا فاتحها تكيه ، الاستاذة همس لسه نايمه في بيتهم لحد دلوقتي
- الغايب حجته معه
= الكلام دا علي المسطبه مش هنا
وصلت همس بقلق لتستقبلها عبير بعتاب
- انتِ مجنونه اي اللي أخرك لدلوقتي ، النهارده في أجتماع مهم مانا قيلالك أمبارح ومفهماكِ
= روحت من هنا الساعه واحده وكنت علي آخري وراحت عليا نومه ، أعمل اي يعني
- طيب أدخليله بس الأول وبعدين نتكلم
خرج يوسف ورأى همس وهي تدخل لـ زين
- ربنا معاكِ بس انتِ اللي غلطانه فاستحملي بقا
دخلت همس وأغلقت الباب خلفها بتوتر وقبل ان تنطق حرف وجدته يقول
- مخصوم منك أسبوع
= بس
- أطلعي بره
صعقت همس من ردة فعله تلك وخرجت مسرعه وهي تكتم دموعها مما حدث للتو ، لم تعطي لها عبير فرصة للحديث من الأساس
- تعالي معايا نحضر اوضة الاجتماعات
وبعد قليل من الموت تجلس كاميليا مع زين داخل مكتبة فطلب همس تأتي له ليطلب منها تحضير شئ لضيفته بنفسها لتتحدث همس بغضب
- أنا سكرتيرة حضرتك مش شغاله في الكافيه
= كلمه تانيه هيتخصم منك كمان أسبوع ياهمس
- تشربي ايه حضرتك
* هو انتِ لازم تعصبيه ، ولازم يزعقلك عشان تسمعي الكلام
- تشربي اي يافندم
* أعمليلي قهوه مظبوط
خرجت همس وهي تستشيط غضباً من هؤلاء المتكبرين لتسألها عبير بقلق
- مالك وشك ما يبشرش بخير
= أكبر غلط أني سبت الشغل اللي كنتي فيه وجيت أشتغل هنا ، انا رايحه أعملهم زفت علي دماغهم هما الاتنين
- زفت !! شكلك مش هتعمري فيها يا حبيتي
من داخل مكتب زين
- اي البنت دي يا زين ازاي توافق تشغل الأشكال دي عندك ( قالتها وهي تشتعل غيظا لأن همس تفوقها بمراحل من الجمال الداخلي قبل الخارجي )
زين بصوت هامس وكأنه يتحدث لنفسه
- معلش هتتربي
ثم رفع صوته وهو ينظر لها
- سيبك منها، المهم اي سبب الزياره الحلوه دي
= حبيت أشكرك علي أنفراد علي الهديه الحلوه اللي جبتهالي أمبارح
- دي اقل حاجه تليق بيكِ
= طيب أنا مستنياك النهارده نسهر مع بعض شويه
- هخلص شغل وأكلمك
=لا مافيش عذر هستناك
هنا دخلت همس وهي تحمل صينه عليها فنجانين من القهوه ومعهم كوبين من الماء ، فأخذت كامليا كوب الماء وأرتشفت منه رشفه ثم رمته في وجه همس ووقع الماء علي ملابسها وهي تقول ، اي الأرف دا جيبالي مياه من الحنفيه
تعدت حدودها تلك المرة فتحدثت همس بغضب
- انتِ مجنونه اي اللي عملتيه ده
= انا اللي مجنونه ولا انتِ اللي قليلة الادب ، أنا ماشيه يازين وياريت بعد كدا تعلم موظفينك الأحترام
- أنا محترمه غصب عنك
ليصيح هو بغضب
- همس ، اي اللي عملتيه دا
= حضرتك شايف هي عملت اي لو كان في حاجه غلط في المياه كان ممكن تقول بأسلوب كويس وانا أجبيلها غيرها
نظر لها ببرود وهو يقول
- هي عندها حق وانتِ فعلاً قليلة الادب
= لا انا متربيه كويس
- هو أحمد عبد المعطي يعرف يربي أصلاً
= لو سمحت متتكلمش عن بابا بالطريقه دي
- أنا أتكلم زي مانا عايز
= أنا غلطت لما جيت أشتغل هنا أنا مش جايه هنا تاني
وقبل ان تغادر المكتب أسرع زين يمسكها من ذراعيها بقوه
- جربي كدا متجيش و شوفي هعمل ايه فيكِ انتِ وأبوكِ
لم ترد عليه همس بسبب شعورها بالخوف والألم من يديه المحكمه علي ذراعيها ونظرت لـ يديه وهي تتألم فتركها ولكن مازلت أثار يديه تعلم علي جلدها الرقيق ، خرجت مسرعه للمرحاض ونظرت لنفسها في المرآه وأنهارت ولم تستطيع التحكم في نفسها وهي تسأل نفسها ماذا بينه وبين والدي ليفعل هذا بيّ، فقررت حسم أمرها يجب ان يجيب والدها علي هذا
