البارت 29
قلب لا ينبض 💔
بينما سيف وهمس يتناقشون في موضوع طلاقها من زين يأتي محضر من المحكمة بطلب طاعه الزوجيه لهمس ، خرجت علي صوت أخيها الغاضب
- اي ياسيف مالك بتزعق كدا ليه ومين دا ....
ألقى الورقه في وجهها بغضب
- أتفضلي يا هانم ، مش دا زين الضحيه اللي ملوش ذنب ، زين اللي كنتي بدافعي عنه من شويه ، أتفضلي أهو بعت ياخدك في بيت الطاعه عن طريق الشرطه ، مبسوطه دلوقتي هي دي مكانتك عنده
، معملش حساب انك مراته وحامل في أبنه ولا عمل حساب لأخوكِ وبعت ياخدك بالطريقه القذره دي ، أنا أسف بس مقدرتش أستحمل أشوفك بتتهاني وأقعد ساكت كدا متكتف مش عارف أساعدك
في منزل زين جمع الجميع وأعلن زواج شهد ويوسف
- بعد اللي حصل العمر مش مضمون وانا مش هبقى مطمن عليها غير معاك يا يوسف ....
أقترب منه خليل
- فعلاً دا قرار كويس ، اللي حصل لازم يتنسي ولازم نبدء حياتنا من جديد
ليتفاجئ الجميع بصوت
- وانت منستش ليه يا زين ..
= وطي صوتك ياسيف وانت بتتكلم
ليعلى صوت سيف أكثر
- اوعي تفتكر نفسك هاتمشي كلامك عليا انا أو همس
أقترب منه خليل
- خير يابني في ايه
ليردف سيف بعصبيه قائلا
- زين باشا بعد كل اللي حصل وبعد ما أتأكد من برائة أبويا ، لسه عايز يكمل أنتقامه من همس وبدل ما يطلقها بعت يجبها عن طريق المحكمه في بيت الطاعه ..
= دي مراتي واللي في بطنها دا أبني ، وانا لا يمكن أتنازل عن أبني
- أنا هفضل هنا مع همس لحد ما تطلقها اوعي تفتكر اني هسيبك تأذيها وهقف ساكت تبقا لسه متعرفنيش كويس
= عايز تفضل هنا مع أختك براحتك البيت كبير ويسع من الحبايب الف لكن تدخل بيني وبين مراتي دا اللي مسمحلكش بيه وياريت تفهم دا كويس
شعرت همس بالتعب فصعدت لغرفتها ولحق بها زين أقترب منها لتبتعد وتعود للخلف خوفاً منه إلي أن أصدتمت بالحائط ، لم يكن يقترب منها غاضباً أو يريد أن يأذيها ، بل كان يريد أن يضمها بين أضلعه فهو أشتاق إليها كثيراً ، ينظر في عينيها بإشتياق وحب ، أقترب منها حتي أصبح ملاصقاً لها يشم رأحتها وكأنه إدمانها وجن عندما غابت عنه ، نظرت لعينيه فغابت داخلهم ، لم تستطيع أن تتكلم ، حررها من بين يديه فأسرعت للخارج هاربه من عينيه التي تأسرها ومن أنفاسه التي تشعل النار في قلبها
