قلب لا ينبض

قلب لا ينبض19

البارت 19
قلب لا ينبض 💔

من داخل المكتب يجلس زين ويوسف لتعليم علي أبن عمهم خليل أدارة بعض الاعمال
- اي الخنقه دي ياعم انت و هو أنا مش بتاع شغل ، وبعدين مستعجلين علي ايه انا لسه مخلصتش جمعتي ، كنت خلتني هناك أحسن ومرجعتش مصر ، على الأقل طول النهار مزز وحاجات حلوه مش اتنين مبيعرفوش يضحكو ،و ورق وشغل

لكمه زين بخفه
- ما تنشف ياض شويه بدل ما أقومالك

= وعلى ايه ، الطيب أحسن ، متشكرين ياولاد عمي ، عملتوا معايا الواجب وزياده ، أنا قولت انتوا اللي هتظبتوني خساره يا ولاد عمي

غمز له يوسف
-  أصبر علي رزقك ، أنا هقولك علي الفوله بس دا سر أوعي تقول لحد

= لا متخافش مش هقول لـ شهد بس انت قول

صمت يوسف ونظر زين لـ علي ليكمل علي
- وانت كمان مش هقول لكاميليا

=لا قولها ولا بيهمني انت فاكرني جبان زيكو ولا ايه
- طيب وهمس

صمت زين قليلاً ونظر يوسف وعلي لبعضهم بضحكه مخفيه
- أحنا هنسيب شغلنا بقا ونقعد نرغي علي البنات ، ماتخلص ياض انت وهو

كانت همس في غرفتها جالسه علي الفراش وهمت لتقوم شعرت بدوار شديد وتغير لون وجههاللاصفر
فبسرعه جلست في مكانها وأخذت تتنفس بهدوء وهي تمسك مقدمة رأسها في هذا الوقت دخلت شهد
- تعالي أنزلي معنا كل البنات تحت

لم تجبها همس وعلي وجهها أثار التعب فقتربت منها شهد بقلق
- مالك ياهمس  ؟!!

= دايخه ومش قادره أخد نفسي ودي مش أول مره تحصل ..
- طيب ما تقولي لـ زين وتروحي تكشفي
= لا يمكن شوية برد ولا حاجه مش مستهله

جلست شهد بجوارها
- ممكن تكوني حامل

= !! حامل !!! لا معتقدش 
- أنا هجيبلك أختبار حمل ونتأكد مش هنخسر حاجه

شعرت بخوف وهي تحدث نفسها بصدمه
- حاامل !!!!

= تعالي ننزل دلوقتي وأنا هتصرف بعدين

في الأسفل تجلس عاليا مع والدة زين
- تعرفي يا طنط إن عيد ميلادي بعد بكره

- كل سنه وانتِ طيبه يا قمر
= لااااا ، أنا مش هتنازل عن حفله كبيره بقااا
- طبعاً هو أحنا عندنا كام عاليا

شعرت كاميليا بالغيرة من تلك الفتاة فقررت ان تتخلص منها
-  طنط عايده كنت عايزه أكلم أخويا أدم يجي يقعد معانا يومين أصله وحشني اوي وانتِ عارفه مش هينفع أسيب الضيوف وأنزل القاهره

= أكيد طبعاً يا كاميليا يشرف في اي وقت البيت بيتكم

جئتهم شهد وخلفها همس لتتحدث والدة زين بتشدق
- أخيراً الحلوه رضيت علينا ونزلت تقعد معانا

لم ترد عليها همس بينما ضحكو كاميليا و عاليا بصوت مرتفع ، ولكن همس كانت في عالم أخر ولم تعيرهم اي انتباه ..
-  أنا مش بكلمك يا بت انتِ

= لو سمحتي أتكلمي معايا بأسلوب كويس

عايده قامت ووقفت في مكانها بغضب
ووقف الجميع معها
- انتِ كمان هتردي عليا وتعرفيني أتكلم ازاي يا قليلة الادب 

= انا مش قليلة الادب ، أنا غلطانة إني نزلت من الأول

تحدثت كاميليا لتشعل النار بينهم
- أتكلمي كويس مع طنط عايدة

= أنا موجهتش كلام ليكِ متتكلميش معايا
- انتِ قليلة الادب فعلاً ومبتعرفيش تحترمي حد ،  أكبر غلطه يوم ما جوزتك أبني
=  فعلاً  عندك حق في دي
كانت أكبر غلطه إني أتجوزت أبنك

* وأنا هصلح الغلطه دي

صمت الجميع بصدمه علي صوت زين وهو يقول هذه الجمله ، أقترب زين منها
- غلطت إني أتجوزتك ..

فرحت كاميليا بما يحدث نفس الحال مع عاليا لتتحدث شهد
- زين لو سمحت أفهم اللي حصل الأول

قاطعت عايدة حديث أبنتها و وجهت حديثها لأبنها
- للأسف أنا ربيت أبني وكبرته عشان يجبلي واحده تهين كرمتي في بيتي

حاولت همس الحديث ولكنها تفجئت بصفعة قوية من زين على وجهها ثم  أمسك بزراعها بقوه وجذبها أمام والدته
-أعتذري من أمي فوراً

أرتفعت أنفاسها من أثر الغضب الذي تكتمه داخلها منعت دموعها من النزول بقوة بينما تلك الواقفه أمامها تنظر لها بشماته ، نظرت همس لزين بانكسار
-  انا معملتش حاجه غلط عشان أعتذر ....

جذبها بقوه من يديها وأسرع علي الدرج وهي خلفه كانت تكاد أن تقع حتي دخل غرفتهم وأغلق الباب خلفه ثم ألقها  علي الفراش وهو ينظر لها بأعين تملائها الجحيم ،  يقترب منها وهي ترجع للخلف حتي مسك شعرها بقوة وهي تصرخ بألم وخوف ، عاد صفعها مجدداً كالمعتاد،  لم يخلصه منه إلا رنين ذلك الهاتف المستمر،  أخذ هاتفه وهبط للأسفل بينما أسرعت شهد بدخول لصديقتها ، فزعت من منظرها
ولم تتخيل أن زين يمكن أن يفعل هذا في يوم من الأيام ساعدتها علي القيام وأحتضنتها وهي تبكي
- أنا أسفه ، أنا السبب ، أنا اللي خليتك تنزلي

= خرجيني من هنا خليني أمشي ياشهد لو بتحبيني بجد خليني أمشي 

تتكلم بتلعثم وكلماتها غير مفهومه من أثر البكاء الشديد ، أحتضنتها صديقتها بشفقة على حالها
- حاضر أنا هعملك كل اللي انتِ عايزه

بينما في الأسفل جائت مكالمه لزين تخبره بأن سيف  اخ همس وصل لـ مصر ، خرج  من مكتبه كالثور الهائج ينادي على الحرس
- مش عايز همس تاخد نفس برة البيت ده لو وصل الأمر لقتلها أقتلوها