البارت 30
قلب لا ينبض 💔
في صباح يوم جديد الجميع يستعد لاستقبال يوم جديد مليئ بالاحداث ، أقام سيف معهم في المنزل حتي يكون مطمئن علي همس وتنتهي بعض الاجراءات، تم أتفاق بين زين وهمس ان لا يتحدث معها حتي ينتهي زفاف شقيقته وبناً عن ذلك لا يقيم معها في نفس الغرفة ، علي الجهة الأخري تحاول عاليا تلفت نظر زين لها ، كما كان يفعل جاسر أيضا يحاول لفت نظر عاليا له ، أقترب فرح شهد وذهب زين ليخبر همس ان تستعد لشراء بعض الاشياء فعتذرت منه همس لذهابها لطبيب
- عندي معاد عند الدكتوره النهارده
= دكتوره !دكتورة ايه ؟
- عشان الحمل
= ازاي متقوليليش علي حاجه زي دي وبعدين انتِ مش بتخرجي مين حجزلك وازاي اصلا كنتي هتروحي من غيري ..
- سيف حجزلي وكنت هروح أنا وهو ....
= سيف !!!! وانااااا هو أنا مش أبو اللي في بطنك دا ، انتِ مش بتفكري تعملي حسابي ولا تقوليلي علي اي حاجه حتي اللي يخص أبني ...
- مجاش في بالي
= اُمال هيجي في بالك أمتي عشان تقوليلي ...
- زين وطي صوتك ...
= هو دا كل اللي همك
في هذا الوقت دخل سيف عليهم
- انت ازاي تزعق مع أختي بالطريقه دي
= خلاص يا سيف مفيش حاجه
* انت مالك انت !! دا بيتي أزعق براحتي ودي مراتي انا حر ، أعمل اللي أنا عايزه ، انت بتدخل ليه
- عشان دي أختي وانا مسمحلكش انك تكلمها بالطريقه دي أبداً
= خلاص يا سيف ...
نظر زين لسيف بغضب وأسرع بلكمه ، كانت عاليا تقف في الخارج تستمع وهي سعيده بتدهور الأمور أكثر بين زين وبين همس واخيها في ذلك الوقت أسرع يوسف ليقف بينهم وذهبت شهد لتسأل همس ماذا يحدث
- زين اضايق بس عشان إنا مش هاجي معاكم
= وانتِ مش هتيجي معايا ليه يا همس ...
- معلش يا شهد انتِ عارفه ان ميعاد الدكتوره النهارده ..
= طيب مش مشكله نروح النهارده ..
تدخلت عاليا بقهر
- لا يا شهد مش هينفع انتِ عارفه لازم نجيب الفساتين النهارده عشان مفيش وقت وكمان لسه هنحتاج تظبيط
تحدث زين بغضب وتحذير لهمس بعدم الاعتراض خلااص
- مع يوسف وانا هاخد همس عند الدكتوره وأجيلكم هناك
ذهب الجميع ونظر زين لهمس ليكمل ما بدء
- من هنا ورايح اي حاجه تخص أبني أنا أول واحد يكون عنده خبر بيها
= كفايه أنا تعبت ، تعبت من معملتك وأسلوبك معايا أنا وأخويا ....
- انتِ اللي بتعملي المشاكل ، لما تخبي عليا اللي يخصني وكمان تسمحي لأخوكِ انه يهيني في بيتي
=هو بيحميني
- يحميكِ من ايه
= منك انت ، انت مش بتشوف غير نفسك وبس مش بتسمع غير صوتك وبس ، انت حتي مش بتسمح لحد انه يدافع عن نفسه..
- لو كنتِ بتعملي حساب ليا مكناش وصلنا لهنا من الأول ...
ضحكت بسخريه وحزن
- ـنا بجد مش عارفه أقولك ايه ...
زين بصوت عالي
- : اللي عندك قوليه ..
= انت عايز مني ايه ، سيبني أمشي بقا ، أنت لسه بتكمل أنتقامك مني حتي بعد متأكد اني مليش ذنب في اي حاجه ، لسه بتعاملني كأني خدامه عندك مش انسانه ، أنا وأخويا ملناش ذنب في اللي حصلك أفهم بقى ، انت انسان مريض ، مريض بالكره والحقد بسبب تربية أمك ليك ، أنا ماليش ذنب ، ملناش ذنب أن أمك و أبوك طلعوا كدا وعملوا فيكوا كدا ، أنا أخويا بيخاف عليا بالظبط زي مانت بتخاف علي شهد ، ليه بتعقبنا علي ذنب مش ذنبنا ، إنا مقولتش لـ أمك أنها تخون أبوك وتقتله وتفهمكم انكم ولاد واحد تاني
صمت ..... صمت مابين زين وهمس لعدة دقائق وهم ينظرون لبعض ، لم تعلم أنها قسمت قلب زين لنصفين لم تعلم انها مزقت روحه بكلماتها ،فاقت من غضبها لتنظر في عين زين لتجد الدموع تغرق وجهه ، شعرت بحرقه في قلبها ، وجهه وجسده متجمدين ولا يتحرك وكل دمعه من هذه الدموع تشعل قلب همس ناراً
في الاسفل في مكتب زين يجلس سيف. وخليل معاً
- انت زي أبني يا سيف وأنا عايز أطلب منك طلب مش عايزك تدخل ما بين زين وهمس ، أنا راجل كبير وخبرتي كبيره في الحياه ومتأكد أنه بيحبها بس الظروف مش مساعدهم ، وفي بينهم طفل مالوش ذنب، زين مش وحش يابني هو كان مخدوع، حط أيدك في أيدي نساعد العلاقة دي تكمل
