>>>>> [ Unicode ] <<<<<
ညရောက်သော် ။
ခွန်စိုင်းသည် ထိုခရီးစဉ်သွားရဖို့အရေး မိခင်ဖြစ်သူကိုဘယ်လိုအကြောင်းပြချက်ပေးကာ ခွင့်တောင်းရမလဲတွေးနေသည်။ သူ့ကိုဆိုစိတ်ပူတတ်တဲ့ မေမေဟာ သူဝါသနာပါတဲ့ ဒီအလုပ်ကိုလုပ်ဖို့အတွက်ခွင့်ပြုထားပေမယ့်လည်း ဒီလောက်ဝေးတဲ့ခရီးစဉ်ကို သွားခွင့်ပြုမည်မဟုတ်ပေ ။ ဒါ့အပြင်ထိုဒေသဟာ နယ်မြေကြမ်းမို့ ပို၍ပင် ခွင့်ပြုမှာမဟုတ် ။
ဒါကိုသိထားတဲ့ ခွန်စိုင်းသည် တစ်ခါမှမလိမ်သဖူး လွင်မိုးနဲ့ပေါင်းကြံကာလိမ်ရတော့မည် ။
ဒေါက် ဒေါက်!!
" မေမေ သားပါ "
" ဝင်ခဲ့လေ သားလေး "
ခွန်စိုင်း ဝင်သွားတော့ မေမေသည်ကုတင်ဘေးကစားပွဲရှည်မှာထိုင်ပြီး ပါဝါမျက်မှန်တပ်ကာ စိုက်ခင်းထဲကစရင်းစာအုပ်တွေကိုစစ်ဆေးနေသည် ။
" သား မအိပ်သေးဘူးလား "
" ဟုတ် မေမေ၊ သား မေမေ့ကိုခွင့်တောင်းစရာရှိလို့ "
အိန္ဒြေရှိလှတဲ့မေမေသည် ခွန်စိုင်းပြောလိုက်သည်နှင့် နူးညံ့တဲ့အပြုံးတွေနဲ့ပြုံးကာ မျက်မှန်ကို ခေါင်းပေါ်ပင့်တင်လိုက်သည် ။
" ဘာများလဲ သား ၊ပြောလေ "
"လွင်မိုး သူ့ဦးလေးတွေနယ်ဘက်ကိုအလည်သွားမလို့ပြောတယ် အဲ့ဒါသားအဖော်လိုက်သွားချင်လို့ ၊ နောက်ပြီး သူတို့ဒေသဘက်ကိုလိုက်လည်ရင်း အလုပ်အတွက်ကုန်ကြမ်းလေးလဲရတာပေါ့၊ အဲ့ဒါ သားမေမေ့ဆီအရင်ခွင့်တောင်းတာပါ "
ဒေါ်နန်းယဥ်လှ သည် ခွန်စိုင်း ပြောတာကိုဘာသံသယမှမရှိ ခေါင်းညှိမ့်ကာ ၊
" သား သွားချင်တယ်ဆိုလိုက်သွားလေ၊ ဘယ်နှရက်ကြာမှာလဲ သား၊ ဒီလိုခွင့်တောင်းပုံကြရင် သား သွားမှာ ရက်ကြာမယ်ထင်တယ် "
" ဟုတ်တယ်မေမေ ဒီတစ်ခေါက်က ခါတိုင်းလို့ ၂ ရက် ၃ ရက်ထက်ပိုကြာမှာ၊ ပြီးတော့ သူတို့ဦးလေးနယ်ဘက်က နည်းနည်းခေါင်တော့ ဆက်သွယ်ရေးက နည်းနည်းခက်မယ်ထင်တယ် "
YOU ARE READING
Saw Nay Say's Travel Blogger [ Completed ]
Romance#စောနေစေးရဲ့ခရီးသွားဘလော့ဂါလေး #June - 19 - 2020 #Moewathan #Artist by Melon mist 🌠 ယခုဇာတ်လမ်းတွင်ပါဝင်သော ရိုးရာ၊ဓလေ့ ယဥ်ကျေးမှု့စသဖြင့် ဇာတ်လမ်း၊ ဇာတ်ကွက်များဟာ စာရေးသူဖန်တီးထားသော စိတ်ကူးယဥ်သက်သက်သာဖြစ်ပါသည်။