Unicode
" စိုင်းလုံ တဖက်မှာအားလုံးအဆင်သင့်ဖြစ်ပြီလား ? "
" စိတ်ချ ကိုဂျင်မီ ကျုပ်အားလုံးအသင့်ပြင်ထားပြီးပြီ ခင်ဗျားစကားတစ်ခွန်းပဲလိုတယ် "
" ကောင်းတယ်။ ဒီတစ်ခေါက်ကငါတို့မှာရှိရှိသမျှအကုန်ရင်းနှီးထားရတာ ဘာတစ်ခုမှအလွဲလွဲအချော်ချော်ဖြစ်လို့မရဘူး "
" ကျုပ်နားလည်တယ်။ ကျုပ်ဆိုတဲ့ကောင်ကလည်း အများကြီးရင်းထားပြီးမှလက်ဗလာနဲ့တော့အိမ်မပြန်နိုင်ဘူး "
ကောက်ကျစ်မှု့ကိုနှိုင်းယှဥ်ကြည့်မယ်ဆိုရင် စိုင်းလုံဆိုတာဂျင်မီ့ရဲ့ခြေမှုန်သာသာရှိ၏ ဂျင်မီဟာ သူ့အသက်ရှင်နေသမျှဘဝတစ်လျှောက်လုံး အမုန်းတွေ အညှိုးတွေ အတ္တတွေနဲ့လက်စားချေမယ့်ဆန္ဒတွေကြီးစိုးထားပြီး သွေးအေးတဲ့စိတ်ဓာတ်နဲ့ သူ့အတွက်သာမယ့်အကွက်ကောင်းကိုစောင့်နေတဲ့လူ ။
အဲ့လိုလူအတွက် တဖက်ရန်သူထိခိုက်မှု့မရှိပဲတော့ သူ့အသက်အသေခံမယ့်သူမဟုတ်ပေ။
* နောက်ဆုံးတော့ ငါမျှော်လင့်ထားတဲ့ တစ်နေ့ကိုရောက်တော့မှာပေါ့ကွာ..*
__________________________
ရေနံမီးအိမ်လေးအလင်းနှင့်အခန်းထဲရှိယက်ဖျာပေါ်တွင်ထိုင်၍ နေစေးတစ်ယောက် ညနေခင်းက ဘွား ပြောတဲ့စကားတွေကိုပြန်ကြားယောင်နေသည်။
" နေစေး ကျုပ်တို့အားလုံးမနက်ခရီးအတွက်အကုန်ပြင်ဆင်လို့ပြီးပြီ ဒါပေမယ့် တစ်ခုရှိတာက..."
တိတ်ဆိတ်သွားတဲ့ ဘွား စကားကြောင့်နေစေးမျက်မှောင်ကျုံ့ကာ..
" ဆက်ပြော "
" တခြားတော့မဟုတ်ဘူး ကျုပ်ပြောချင်တာက နောင်ကြီးခွန်စိုင်းပဲ "
" ကျုပ်ဧည့်သည်လေးနဲ့ဘာအကြောင်းရှိသလဲ "
" မနက်ကပြန်ရောက်တဲ့ကင်းထောက်ဆီကသတင်းအရစိုင်းလုံတို့အဖွဲ့ရဲ့ဦးတည်ချက်က ပေါ့ပေါ့လေးတွေးထားလို့မရဘူး။ အထူးသဖြင့်ဂျင်မီ။ ဂျင်မီကလက်ဝယ်လျှိုစီးပွားရေးသမားလိုလိုနဲ့ အခုနောက်ပိုင်းသိလာရတာ တဖက်နိုင်ငံကနေ လက်နက်စုဆောင်းရေးလုပ်နေတာကြာပြီဆိုပဲ "
YOU ARE READING
Saw Nay Say's Travel Blogger [ Completed ]
Romance#စောနေစေးရဲ့ခရီးသွားဘလော့ဂါလေး #June - 19 - 2020 #Moewathan #Artist by Melon mist 🌠 ယခုဇာတ်လမ်းတွင်ပါဝင်သော ရိုးရာ၊ဓလေ့ ယဥ်ကျေးမှု့စသဖြင့် ဇာတ်လမ်း၊ ဇာတ်ကွက်များဟာ စာရေးသူဖန်တီးထားသော စိတ်ကူးယဥ်သက်သက်သာဖြစ်ပါသည်။