[ Unicode ]
နေစေးတို့သွားရာဘက်သို့ကြည့်ပြီး မျက်နှာထက်နှုတ်ခမ်းတွေကပြုံးနေသော်လည်း မျက်ဝန်းတွေကမျက်ရည်ကြည်တို့ဝဲလျှက်။
ခွန်စိုင်းသိသလောက် နေစေးဆိုတဲ့ ဦးဆောင်သူက တောရပ်ရွာမှာနေပေမယ့် မဆင်းရဲဘူး၊ အာဏာကြီးတယ်၊ လူတိုင်းမလုပ်နိုင်တဲ့အရာကိုသူလုပ်နိုင်စွမ်းရှိတယ်၊ သြဇာရှိတယ် ၊ ဘယ်အရာမှချို့ယွင်းမနေဘူး။
ဒါပေမယ့် ခွန်စိုင်းကတော့ သူနဲ့မတူဘူး...ခွန်စိုင်းမှာ ပိုင်ဆိုင်တာဘာမှမရှိသလို..နေစေးအပေါ်ချစ်တဲ့ ချစ်ခြင်းတစ်ခုကလွဲပြီး သာယာမှု့တောင်ပေးနိုင်ပါ့မလားမသေချာဘူး။
အချစ်? အချစ်တစ်ခုရှိရင်တောင် ခွန်စိုင်းကယောက်ကျားလေးဖြစ်နေလို့ နေစေးနဲ့လိုက်ဖက်မှု့ကဘယ်လိုမှမဖြစ်နိုင်ဘူး ။ အကယ်၍သာ ခွန်စိုင်းမဟုတ်ပဲ နေစေးရဲ့လက်တွဲဖော်က နော်အဲလာဆိုရင်တော့...အင်း အဆင်ပြေသွားတာပေါ့ ။
ပွဲစျေးလမ်းလည်ခေါင်မှာအတွေးတို့လွန်ဆွဲကာ တစ်ယောက်တည်းရပ်ပြီးအရူးလိုပြုံးရင်း မျက်ရည်ကြည်တွေပြည့်နေတဲ့မျက်ဝန်းတို့နဲ့ ထွက်သွားသူရဲ့တစ်နေရာကိုကြည့်နေတဲ့ ခွန်စိုင်းဟာ စိတ်အားငယ်နေခဲ့သည်။
* နောက်ဆုံးတော့ ကိုယ်က မင်းရဲ့ဧည့်သည်လေးအဖြစ်ပါပဲကွာ *
ခွန်စိုင်းသည် အတွေးတွေရှုတ်ထွေးလျှက် နေစေးတို့ကို သူ့ကြောင့်စိတ်အနှောက်ယှက်ဖြစ်မှာစိုးတာကြောင့် ထိုနေရာကနေဆက်လျှောက်လာခဲ့သည်။
ဒီညမှာ မီးအလင်းရောင်လေးတွေနဲ့လှပတဲ့ဒီလမ်းလေးဟာ ခွန်စိုင်းအတွက်တော့ စိတ်အခြေအနေမကောင်းလို့လားမသိ၊ အကျည်းတန်လွန်းနေခဲ့သည်။ ခွန်စိုင်း ဝမ်းနည်းလို့ငိုချင်ရင်တောင် သူသိပ်ချစ်တဲ့လူဆိုးလေးအက်ဒွက် ရင်ခွင်ထဲမှာမဟုတ်ပဲတော့ သူမငိုချင်ဘူးလေ။ အဖြစ်အပျက်တွေကိုအစအဆုံးတွေ့မြင်လိုက်ရတဲ့ ခမ်းကျောက်သည် ခွန်စိုင်းက နေစေးအပေါ်ဘယ်လိုစိတ်သဘောထားရှိလဲသိလိုက်တဲ့နောက်မှာ သူ့နှုတ်ခမ်းတွေကမကြာမှီဖြစ်မြောက်မယ့်အရာတစ်ခုအတွက်ဂုဏ်ယူပြုံး..ပြုံးနေခဲ့သည်။
YOU ARE READING
Saw Nay Say's Travel Blogger [ Completed ]
Romance#စောနေစေးရဲ့ခရီးသွားဘလော့ဂါလေး #June - 19 - 2020 #Moewathan #Artist by Melon mist 🌠 ယခုဇာတ်လမ်းတွင်ပါဝင်သော ရိုးရာ၊ဓလေ့ ယဥ်ကျေးမှု့စသဖြင့် ဇာတ်လမ်း၊ ဇာတ်ကွက်များဟာ စာရေးသူဖန်တီးထားသော စိတ်ကူးယဥ်သက်သက်သာဖြစ်ပါသည်။