Unicode
နေစေးတို့ရောက်ပြီဆိုတဲ့သတင်းကို တပ်သားတွေက နယ်စပ်ရဲ့အဓိကခေါင်းဆောင်အဖြစ်တာဝန်ယူထားရတဲ့ ခေါင်းဆောင်တခ်မူးရယ်ကိုသတင်းပို့ကြတယ်။
ပုံမှန်တပ်ဖွဲ့တွေနဲ့ယှဥ်လျှင် နယ်စပ်တပ်ဖွဲ့ကအဖွဲ့သားတွေဟာပို၍ကြမ်းတမ်းပြီး တိုက်ခိုက်ရာမှာလည်းအထူးလေ့ကျင့်မှု့ပြုထားသည်.. ထိုထဲတွင် အဖွဲ့ထဲမှာအတော်ဆုံး ဟုသတ်မှတ်ထားသော တခ်မူးရယ် သည် ဘွား နှင့် မော့တို့လောက်နီးနီးလက်ရည်ရှိသူဖြစ်သည်။
နေစေး အဖွဲ့သားတွေဟာမြင်းတွေယူ၍တာဝန်ကိုယ်စီနဲ့ထွက်သွားကြပြီး နေစေးတို့လေးယောက်ကတော့ ယာယီဆောက်ထားတဲ့တဲအိမ်ငယ်လေးထဲမှာအနားယူနေကြသည်။ နေစေးအပြင် ဘွားနဲ့မော့တို့ဟာဒီနေရာနဲ့မစိမ်းသက်သူမို့ပုံမှန်ဆိုပေမယ့် နေစေးရဲ့ချစ်ဧည့်သည်လေးခွန်စိုင်းအတွက်တော့ ဒီနေရာကစူးစမ်းချင်စရာအများကြီးရှိနေပုံပင်။
အသက်သာပင်နေစေးထပ်ကြီးသော်လည်းတစ်ခါတရံကလေးစိတ်လေးနဲ့သဘောထားဖြူစင်မှု့အပြည့်ရှိနေတဲ့ ခွန်စိုင်းကို နေစေးမှာအရိပ်တကြည့်ကြည့်နှင့်ပင်။
ဟိုဟိုဒီဒီခေါင်းလှည့်ပြီးလျှောက်ကြည့်နေတဲ့ ခွန်စိုင်းကိုကြည့်ပြီး နေစေးကခွန်စိုင်းခေါင်းလေးပေါ်သူ့လက်ဖဝါးကြီးအုပ်တင်ကာ။
" တော်ပြီ လျှောက်မကြည့်နဲ့တော့ ခေါင်းမူးနေမယ်။ "
" ဟင်..အင်း "
နေစေးပြောမှ ခွန်စိုင်းက သူ့ရဲ့အပြုအမှုကအရမ်းသတိထားမိစရာဖြစ်နေမှန်းသိသွားပြီး နားရွက်လေးတွေရဲကာနည်းနည်းရှက်သွားသည်။ နေစေး က ခွန်စိုင်းရဲ့ရှက်နေပုံလေးကိုကြည့်ပြီး ရင်ထဲကလိကလိဖြစ်နေလေရဲ့။ ပြီးနောက်..
" ဒီနေရာက လုံဝမ်ရွာထပ်တိတ်ဆိတ်တယ် ပြီးတော့ နည်းနည်းပိုခေါင်တယ် ခင်ဗျားနေရတာမသက်သာတာရှိရင်ကျုပ်ကိုပြောဖို့မမေ့နဲ့ ဟုတ်ပြီလား "
" အွန်း ကိုယ်အဆင်ပြေပါတယ်။ ဒီနေရာက...အင်း နည်းနည်းခေါင်ပြီးတိတ်ဆိတ်တာကလွဲလို့ပေါ့ "
YOU ARE READING
Saw Nay Say's Travel Blogger [ Completed ]
Romance#စောနေစေးရဲ့ခရီးသွားဘလော့ဂါလေး #June - 19 - 2020 #Moewathan #Artist by Melon mist 🌠 ယခုဇာတ်လမ်းတွင်ပါဝင်သော ရိုးရာ၊ဓလေ့ ယဥ်ကျေးမှု့စသဖြင့် ဇာတ်လမ်း၊ ဇာတ်ကွက်များဟာ စာရေးသူဖန်တီးထားသော စိတ်ကူးယဥ်သက်သက်သာဖြစ်ပါသည်။