Saw Nay Say's Travel Blogger [ Completed ]

အပိုင်း { ၄ }

                    >>>>> [ Unicode ] <<<<<

လုံဝမ်ရွာရဲ့ တောင်ဘက်ဂိတ်စောင့်တပ်အနားသို့ခြုံခိုတိုက်ခိုက်ဖို့အတွက် လာချောင်းမြောင်းတဲ့ တဖက်အဖွဲ့အစည်းကို ဦးဆောင်သူအနေနဲ့လာရောက်စောင့်ကြည့်နေတာကြာပြီဖြစ်သည်။

တောင်ဘက်ဂိတ်ကိုအင်အားနည်းမယ်အထင်နဲ့ ကြိုတင်လာပြီးအကဲခတ်တဲ့ တဖက်သူလျှိုတွေကို ချက်ချင်းဖမ်းစီးရင်ရပေမယ့် လစ်လျှူရှုပြီး တစ်ရက်နှင့်တစ်ရက် လုံခြုံရေးတပ်သားကိုသိသာစွာလျှော့ပြစ်ခဲ့သည် ။ ဒါကိုအခွင့်အရေးလို့သတ်မှတ်သွားတဲ့သတင်းပေးသူလျှိုဟာ သတင်းပေးရာမှာ သူမြင်တွေ့တဲ့အတိုင်းသာပေးတာကြောင့် တဖက်ကအဖွဲ့အစည်းဟာ ၇ ရက်မြောက်တဲ့နေ့တွင် လုံဝမ်ရွာရဲ့တောင်ဘက်ဂိတ်ကိုကျူးကျော်ဖို့ပြင်သည် ။

သို့သော် သူတို့ဘက်ကမတိုက်ခိုက်ခင် လာနေရာလမ်းတစ်တဝက်မှာပင် ဦးဆောင်သူကိုယ်တိုင် ခေါင်းဆောင်၍ တဖက်ရန်သူတွေနှင့်တိုက်ပွဲဖြစ်ကြသည် ။ ပြင်းထန်းလာတဲ့တိုက်ပွဲကြားမှာ
အခြေအနေမဟန်မှန်းသိလို့ တဖက်အဖွဲ့က ပြန်ဆုတ်သွားခဲ့ပေမယ့် ဦးဆောင်သူက သူတို့ကိုအလွတ်မပေးပေ ။ ဒါ့အပြင် ဒီညမှာ တဖက်အဖွဲ့အစည်းဟာ သူတို့တပ်ဖွဲ့ဆီပြန်ပြေးခဲ့မယ်ဆိုလျှင် ဒီထက်ကြီးမယ့် တိုက်ပွဲဖြစ်နိုင်ပေမယ့် ဉာဏ်များတဲ့ တဖက်ခေါင်းဆောင်စိုင်းလုံ က ဦးဆောင်သူတို့နဲ့ ငြိမ်းချမ်းရေးယူထားတဲ့အဖွဲ့အစည်းနယ်မြေဆီကိုပုန်းခိုထွက်ပြေးခဲ့သည် ။ ဦးဆောင်သူ တို့ဘယ်လိုပင် တောနင်းပြီးပိုက်စိတ်တိုက်ရှာဖွေနေပါစေ..တဖက်နဲ့ယူထားတဲ့ ငြိမ်းချမ်းရေးစာချုပ်ကိုမချိုးဖောက်နိုင် ။

" ဦးဆောင်သူ ခွေးကောင်စိုင်းလုံ ငြိမ်းချမ်းရေးအဖွဲ့အစည်းဘက်ကျော်သွားပြီ၊ ကျုပ်တို့ဆက်လိုက်ရမလား "

ညာလက်ရုံးအယ်ထူး ပြောတော့ စောနေစေး ( ခေါ်  ) အက်ဒွက် ။ ဒါမှမဟုတ် အဖွဲ့အစည်းတွေကြားမှာ နာမည်ပြောင် ဦးဆောင်သူ သည် သူ့ရဲ့ဒေါသတွေနဲ့ အကြည့်တို့ကို တဖက်သို့ထွက်ပြေးသွားတဲ့ စိုင်းလုံ တို့လမ်းကြောင်းကိုကြည့်နေသည် ။