Unicode..။
မော့ရဲ့အံသြခြင်းမှာ ဘာကြောင့်မှန်းမသိပျော်ရွင်မှု့တစ်စွန်းတစ်စပါနေသလိုဖြစ်နေမှန်း မော့တစ်ယောက်သိပါလေစ။
ဘွားရဲ့စကားကြောင့် ယောက်ကျားစစ်စစ်ဟုကြွေးကြော်တတ်တဲ့ မော့ စိတ်ဆိုးရမယ့်အစား အနည်းငယ်ပင်ရှက်မိသွားသည်။ မော့ ဟာ သူငယ်ချင်းဖြစ်သူနေစေးရဲ့ထိုသို့အကြောင်းတွေကိုတပ်အပ်မသိသော်ငြားရိပ်မိနေခဲ့ပြီဖြစ်လို့ ဒီကိစ္စကိုစိတ်ထဲမရှိပေ။ သို့သော် သူ့နံဘေးမှာအမြဲတမ်းအရိပ်လိုရှိနေတတ်တဲ့ ဘွားကိုတော့ တစ်ဦးတစ်ယောက်နဲ့လွဲမှားကာအထင်လွဲ၍အူတိုနေမိသည်မှာ ဘာကြောင့်မှန်း မော့ကိုယ်တိုင်စမ်းစစ်နေမိသည်။
တုန့်ပြန်မှု့မရှိ တတ်ဆိတ်နေတဲ့ မော့ကြောင့်ဘွားအနည်းငယ် စိတ်မသက်မသာဖြစ်လာသည်။သူ့ရဲ့ယုံကြည်ချက်တွေက မော့ဆီကလာတာဆိုပေမယ့် မော့ သာငြင်းပယ်လိုက်ရင်.....။
ထို့ကြောင့် ဘွား မော့မျက်နှာကိုလက်နှင့်ပင့်တင်၍ သူ့ကိုကြည့်စေကာ။
" မော့ မင်းစိတ်ဆိုးသွားတာလား ဒါမှမဟုတ်
.. မင်းကျုပ်ကိုအထင်သေးသွားတာလား "မဝင့်မရဲပြောလာတဲ့ ဘွားရဲ့အသံသြသြတို့ကဆွဲဆောင်မှု့အပြည့်။
" ကျုပ်မင်းကိုအထင်သေးတယ်ဆိုရင် ဒါက နေစေးတို့ကိုပါသက်ရောက်တဲ့သဘောမဟုတ်လား "
" ဒါက...... မင်းတကယ် "
" ငါမင်းကိုစိတ်မဆိုးသလို အထင်လည်းမသေးပါဘူး။ လူတစ်ယောက်ကိုချစ်တဲ့နေရာမှာ ဘယ်သူမှ ချစ်ရမယ်.. ဘယ်ဖြစ်တည်မှု့နဲ့ဆိုမှ ချစ်ရမယ်လို့ကန့်သတ်ထားတာမှမဟုတ်တာ။ ငါမင်းတို့ကိုနားလည်ပါတယ် "
အပြုံးလေးနဲ့ချစ်ခြင်းသဘောတရားကိုနားလည်ကြောင်းပြောပြနေတဲ့မော့ဟာ ဘွား သူ့ကိုလှည့်ပတ်၍ဖွင့်ပြောထားခြင်းကိုရှောင်လွဲနေတာသိသာနေ၏။
မော့ စိတ်ထဲမှာရှိတဲ့အဖြေကိုကြားလိုက်ရတဲ့ ဘွား ဟာ သူ့အတွက် မျှော်လင့်ချက်လမ်းစရှိလာသလိုခံစားရပြီး သူသည်လည်းမျက်နှာထက်မထိပြုံးပြုံးနေခဲ့သည်။ သို့သော် မေးခွန်းကိုရှောင်လွဲဖို့ကြိုးစားနေတဲ့ ကောင်ဆိုးလေးကိုတော့ ခွင့်မပြုပေ။
YOU ARE READING
Saw Nay Say's Travel Blogger [ Completed ]
Romance#စောနေစေးရဲ့ခရီးသွားဘလော့ဂါလေး #June - 19 - 2020 #Moewathan #Artist by Melon mist 🌠 ယခုဇာတ်လမ်းတွင်ပါဝင်သော ရိုးရာ၊ဓလေ့ ယဥ်ကျေးမှု့စသဖြင့် ဇာတ်လမ်း၊ ဇာတ်ကွက်များဟာ စာရေးသူဖန်တီးထားသော စိတ်ကူးယဥ်သက်သက်သာဖြစ်ပါသည်။