[Unicode]
City Lights
ခန့်ညားလှသော ငွေမင်ရောင်ဆိုင်းဘုတ်လေးကို တပ်ဆင်ထားသည့် ၅ထပ်အဆောက်အအုံရဲ့ ကားပါကင်ရှိရာသို့ ချန်ယောလ်ကားကို ကွေ့၀င်လိုက်ပြီး နေရာလွတ်တွင် ထိုးရပ်လိုက်သည်။
ဘေးကလွယ်အိတ်ကို ဆွဲယူပြီး ချန်ယောလ်ကားပေါ်ကဆင်းလိုက်တော့ အပြေးလာနေတဲ့ အစောင့် ဦးလေးကြီးကို မြင်လိုက်ရတာကြောင့် မျက်ခုံးပင့်လိုက်မိသည်။
ဘာကြောင့်ဆို အစောင့် ဦးလေးကြီးက သူ့ဆီပြေးလာနေသည်လေ။
" ဒီနေရာက သီးသန့်နေရာပါ ကောင်လေး "
ချန်ယောလ် ပါကင်ထိုးတဲ့နေရာကို လက်ညိုးထိုးပြီးပြောလာတဲ့ အစောင့်ဦးလေးကြီး။
" ဒါပေါ့ ကျွန်တော့အတွက် သီးသန့်လေ "
ကော်လံလေးကို သေချာပြန်ပြင်ရင်းပြောလိုက်တဲ့ ချန်ယောလ်က ရောက်နေတဲ့ ကုမ္ပဏီရဲ့ CEO လိုလို။
" Boss လာမယ့်အချိန် ရောက်နေပြီကွ "
" လာပါစေပေါ့ ကျွန်တော် နောက်ကျနေပြီ သွားတော့မယ်နော် "
အစောင့် ဦးလေးကြီးကို ထားခဲ့ပြီး ချန်ယောလ် ကုမ္ပဏီထဲ၀င်ရန် လုပ်လိုက်သည်။
" မရဘူး ကောင်လေး ... အဲ့ဒါ Boss ကားထားတဲ့နေရာ မင်းကားကိုအခုလာဖယ် "
အတင်းကိုဆွဲခေါ်ပြီး နေရာရွှေ့ခိုင်းနေတဲ့ဦးလေးကြီးကြောင့် ချန်ယောလ်စိတ်မရှည်ဖြစ်လာကာ လက်ကို ဆောင့်ရုန်းလိုက်ပြီး အင်္ကျီကို သေချာပြန်လုပ်လိုက်ရင်း ဘောင်းဘီအိတ်ကပ်ထဲက ပိုက်ဆံတစ်ရွက်ကိုထုတ်ကာ ဦးလေးကြီးလက်ထဲ ထည့်ပေးလိုက်သည်။
" ကျွန်တော်နောက်ကျတော့မှာမို့ ဦးလေးရွှေ့လိုက်တော့ "
" ကားသော့ပေးလေ "
" အာ ... ရော့ "
အစောင့်ဦးလေး လက်ထဲပိုက်ဆံပေးပြီး ထွက်သွားတဲ့ချန်ယောလ်က ကားသော့တောင်းသံကြောင့် ပြန်လှည့်လာပြီး လက်ထဲမှ ကားသော့ကို လှမ်းပစ်ပေးလိုက်သည်။
ပစ်လိုက်တာအရှိန်နည်းနည်းလွန်သွားတာမို့ သော့ဟာ အစောင့်ဦးလေးလက်ထဲ မရောက်ပေ။ အောက်ပြုတ်ကျတော့မည့်ဟု ချန်ယောလ်ထင်လိုက်ချိန်တွင် သော့ကလေးဟာတစ်စုံတစ်ယောက်ရဲ့ ဖမ်းယူခြင်းကို ခံလိုက်ရသည်။
YOU ARE READING
S T A Y ( Completed )
FanfictionI love you , my boy ~ 💗 ကြည့်ဖူးတဲ့ ဇာတ်လမ်းတွဲတစ်ခုမှ ကျောရိုးအနည်းငယ်ကို ထည့်သွင်းရေးသားထားပါတယ်နော် ~ 🍂
