[Unicode]
ကုမ္ပဏီထဲသို့ ဝင်လိုက်တာနဲ့ Lobby မှာ စုဝေးနေတဲ့ သတင်းထောက်များကို ချန်ယောလ်အရင်ဆုံးမြင်လိုက်ရတာကြောင့် သူ့ဘေးတွင်ရှိနေတဲ့ အနောက်တိုင်းဝတ်စုံအဖြူလေးကို ချန်ယောလ်အိမ်တွင် လဲဝတ်ခဲ့သော ဘတ်ခ်ဟျွန်းအား မေးလိုက်သည်။
" Boss ဘာလုပ်မလို့လဲ "
သူ့အမေးကြောင့် အတွင်းရေးမှုးကင်မ်နဲ့ ချန်ယောလ်မသိသည့် စာချုပ်ကိစ္စတစ်ချို့ကို ပြောနေသည့် နဂါးလေးက သူ့ဘက်ကို ချက်ချင်းလှည့်ကြည့်လာသည်။
" အခုသိရမယ် ချန်ယောလ်လီ "
" Boss ... "
" ရှူး ! မပြောနဲ့တော့ ... ငါ့ကို ယုံတယ်မလား ... ငါလုပ်မဲ့ ကိစ္စတွေအားလုံးက ငါတို့နှစ်ယောက်အတွက်ပဲဆိုတာကို သိတယ်မလား "
ဘတ်ခ်ဟျွန်း ချန်ယောလ်မျက်ဝန်းတွေကို စိုက်ကြည့်ပြီး မေးလိုက်တော့ ချန်ယောလ်ကချက်ချင်းပင် ခေါင်းငြိမ့်ပြသည်။
" အွန်း အဲ့တာဆို စိတ်မပူနဲ့ ... ဘာမှမပြောဘဲ ငါ့အနားမှာပဲ ငါ့အားအင်အဖြစ် ရှိနေပေး ... ဟုတ်ပြီလား "
နှုတ်ခမ်းထောင့်စွန်းလေးနှစ်ဖက်ကော့တက်ရုံပြုံးပြလာတဲ့ ဘတ်ခ်ဟျွန်းက ချန်ယောလ်ကို မျက်ဝန်းတွေမှတစ်ဆင့် သူ့ကို ယုံကြည်ပေးရန်မှာသွားခဲ့ပြီး စင်ဆောက်ထားရာဘက်သို့ ထွက်သွားသည်။
" ကိုကိုလေးလာ ! ကျွန်တော်တို့ ဟိုနားက ကြည့်မယ် "
ချန်ယောလ်နားက နဂါးလေးသွားမှာကို ရပ်စောင့်နေခဲ့တဲ့ မင်ဂျွန်းက ချန်ယောလ်တစ်ယောက်ထဲ ဖြစ်သွားတာနဲ့ ချက်ချင်းပင် လက်ကို ဆွဲကာ စင်ရဲ့ဘေးဘက်အခြမ်းတွင် ရပ်ခိုင်းသည်။
ထို့နောက်တွင်တော့ စင်ပေါ်ကို တစ်လှမ်းခြင်းတက်လာတဲ့ ဘတ်ခ်ဟျွန်းကြောင့် သတင်းထောက်တွေရဲ့ ဆူဆူညံညံအသံတွေတိတ်သွားပြီး Boss ဗြောင်ဆီသို့ အပြည့်အဝအာရုံစူးစိုက်လိုက်ကြပါတော့သည်။
" အားလုံးပဲ မင်္ဂလာပါခင်ဗျ ... ကျွန်တော်က City Lights ကုမ္ပဏီရဲ့ Boss ဗြောင်ဘတ်ခ်ဟျွန်းပဲ ဖြစ်ပါတယ် ... ဒီနေ့ ကျွန်တော့ရဲ့ သတင်းစာရှင်းလင်းပွဲကို တက်ရောက်ပေးကြတဲ့အတွက် လူကြီးမင်းတို့ အားလုံးကို ကျေးဇူးအများကြီးတင်ပါတယ် "
YOU ARE READING
S T A Y ( Completed )
FanfictionI love you , my boy ~ 💗 ကြည့်ဖူးတဲ့ ဇာတ်လမ်းတွဲတစ်ခုမှ ကျောရိုးအနည်းငယ်ကို ထည့်သွင်းရေးသားထားပါတယ်နော် ~ 🍂
