لا تتحدي الصقر
ج٢
البارت الاخير
ج٤
_______
غامت أعينها بسحابة حزن سوداء، عشعشت على سماء قلبها عندما تذكرت الانفجار وضحاياه وخاصة تلك الفتاة المسكينة التي قضت نحبها ظلما وبدون أي ذنب، يموج قلبها ويهيج عندما تتذكر أن والدها السبب فيما حدث...فطنت من كلمات سامي أنه قريب لأحد ضحايا ذلك الانفجار، وأن ما يفعله بها ما هو إلا سعيا للانتقام، لذا هتفت بحذر وهي تخفض بصرها حرجا من فعلة والدها
_هو حضرتك..تقرب لحد من مصابي الانفجار؟؟
ليرمقها بنظراته القاتمة الغاضبة
_أختي متصابتش ..دي ماتت بسببك إنتي وأبوكي
أخفضت مودة رأسها بأسف من أجله
ليردف سامي قائلا بغضب ممزوج بحزن مكلوم على أخته
_أختي كانت حامل في الشهور الأخيرة وجوزها مسافر برا مصر بس عمل حادثة هناك وصرف كل اللي حوشه على علاجه هناك، علشان كده أختي كانت بتدور على شغل علشان تجمع مصاريف الولادة ، وفجاءة عرضت عليها واحدة ست غريبة من تبعكم إنها هتعطيها ٣آلاف جنية مقابل إنها تحل محلك بس نص ساعة وخلاص كده مهمتها إنتهت وهتأخد الفلوس وتمشي، أختي فرحت بالعرض ده جدا لأنه هيرحمها من عناء الشغل مع تعب الشهور الأخيرة من الحمل...كلمت أختها الأكبر منها وحكتلها عن العرض ده وإنها وافقت بيه طالما مش هتأذي حد بانتحالها لشخصية البنت اللي إسمها مودة ..اللى هو إنتي يعني..وكل الحكاية نص ساعة والموضوع هيخلص ..بس مكانتش عارفة إني عمرها هو اللي هيخلص هي واللي ف بطنها... مكانتش تعرف إنها هتكون ضحية خطة حقيرة إتعملت وكان مقصود بيه موتها....شوفتي كمية القسوة وموت القلب اللي انتم فيه ..بكل بساطة حرقتم أختي وابنها...وحرقتم قلوبنا عليهم ..قولولي بتعرفوا تناموابالليل كويس ؟؟ بتناموا وضميركم مرتاح وانتوا السبب في قتل روحين وتشويه عشرات الطلبة ...بتعرفوا تناموا وتحلموا زي بقيت الناس
صمتت مودة وأطبقت جفنيها في حزن مما حدث لأخته
لتجده يقول بألم
_أنا بقى مبعرفش ... من يومها وأنا عيني مداقتش طعم النوم ...صورتها وهيه بتستنجد بيا مبتفارقنيش ...
صمت قليلا وكأنه يسترجع صورة أخته محترقة فيتحول وجهه للعتمة ويتعتليه نظرات تحمل الكثير من الشر والانتقام
_علشان كده لازم تدوقي من نفس الكاس اللي شربته..لازم تتحرقي وتتفحمي زيها بالظبط..لازم أبوكي يدوق مرارة الفقد بالطريقة البشعة دي زيي بالظبط.
تنهدت مودة بكمد شديد من أجل من حدث لتلك الأسرة البائسة ..لذا تحدثت هذه المرة دون خوف منه وبعدما علمت لما يفعل هذا به
_أنا بتأسف لحضرتك جدا على اللي حصل يا أستاذ سامي.. وصدقني كنوز الدنيا كلها متساويش دمعة واحدة بس من عيون أختك.. أنا والله مكنتش أعرف باللي حصل ولا اللي هيحصل لأختك وصدقني أنا لو كان بإيدي كنت أفديها بروحي وعمري ..ذنبها إيه علشان تتقتل بسبب لعبة عملها بابا على زوجي ؟... ودلوقتي أنا مستعدة أقدم لحضرتك التعويض اللي تطلبه عارفة إني مفيش حاجة هترجع اللي راح ..بس مش في إيدي حاجة أعملها غير كدا....
أنت تقرأ
لا تتحدى الصقر
General Fictionهل فكرت يوما ان تجد طفلك فى رحم امرأة لا تعرفها ؟؟؟ عندما تكون بعيد عن الله _تحمل ما يحدث لك نتيجه ما اتقرفته يداك كيف ستفلتين من عقابه بعملتك تلك ،انت فى قبضته لا محالة ،فما فعلته لا يُغتفر ابدا ولا يُصَدق ان فاعله عاقل ابدا فما فعلته تقشعر له الاب...
