لا تتحدى الصقر

فريسيا البارت الاخير ج٢

بارت الاخير
ج٢
#فريسيا

ضم كامل شفتيه بأسف وعلم أن مشواره مع أخيه سيكون عسيرا ...لكنه لن يستسلم وسيحاول لم الشمل وإصلاح أخطاء الماضي.

تدخلت فريدة وهي تقترب منه تثنيه عما يود أن يفعل
_منصور ... الحركة  خطر على صحتك دلوقتي إنت في فترة النقاهة لسه

أغلق منصور أعينه وفتحهما عدة مرات غير مصدق أنه يسمع صوت أخته ليهتف بسعادة
_فريدة!!... أختي ...ياااه يافريدة وحشتيني أوي

لتقترب فريدة منه مقبلة ظهر يده وتهتف ببكاء
_منصور ...حمدا لله إنك قمت لينا بالسلامة يا حبيبي

ليهتف منصور بأسف
_سامحيني بعادي عنك على عيني

تنهدت فريدة وهتفت بهدوء
_مش إنت بس اللي بعدت يا منصور... أنا كمان بعدت ولسه راجعة علشان نلم الشمل وننسى اللي فات....بكفيانا فرقة لحد كدا

ليتحدث منصور بصرامة بينما يهم بمغادرة فراشه مرة أخرى
_نرجع الشمل بعيد عن هنا يا فريدة... المال اللي هنا مينفعناش ...قالها وهو يلتفت إلى أخيه قائلا لجمود
_فلوس العملية اللي دفعتهالي... هردهالك كاملة ... هبيع المغسلة وهحاول اتصرف ف الباقي.

ليقترب منه كامل
_إنت فاهم غلط يا منصور..

هتفت فريدة تشدد على يد أخيها منصور
_اسمع لأخوك يا منصور الدنيا مش مستاهلة إننا نبعد أكتر من كدا....العمر بيعدي وأولادنا ميعرفوش بعض.

بينما ينسحب الابناء بإشارة من سديم ...حتى يتسنى للأخوة التفاهم مع بعضهم البعض بحرية.

___
خرج الجميع خارج الغرفة مجتمعون بصمت قطعته رحيق تتحدث الى أخيها سديم
_سديم أظنك تعرف إيه الحكاية ممكن تفهمنا ... ليه بابا مُصر يبعد عنكم!!!!!

أخذ سديم نفسا عميقا ثم قال
_خلينا ننزل نتكلم تحت في الاستراحة

بالفعل نزل الجميع وساعد ساهد "ساري" على دفع الكرسي المتحرك الذي يجلس عليه وما إن استقر كل في مكانه حتى قال سديم يحكي ما حدث في الماضي
_زمان كان بابا وعمي منصور بيشتغلوا مع جدو في إدارة الشركة ..ولكن بعد فترة عمي منصور  اكتشف إن الشركة قايمة على فكرة الربا  وهي إنها بتمد المشاريع الصغيرة برأس مال ولكن بتأخدوا منهم اضعاف وده طبعا حرام شرعا

يَا أَيُّهَا الَّذِينَ آمَنُوا لَا تَأْكُلُوا الرِّبَا أَضْعَافًا مُضَاعَفَةً وَاتَّقُوا اللَّهَ لَعَلَّكُمْ تُفْلِحُونَ .

......
الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا فَمَنْ جَاءَهُ مَوْعِظَةٌ مِنْ رَبِّهِ فَانْتَهَى فَلَهُ مَا سَلَفَ وَأَمْرُهُ إِلَى اللَّهِ وَمَنْ عَادَ فَأُولَئِكَ أَصْحَابُ النَّارِ هُمْ فِيهَا خَالِدُونَ .