#فريسيا
#أسماء_عبد_الهادي
بارت٩
فريسيا
أسماء_عبد_الهادي
____
وبينما كانت تجلس جوري مع رحيق... استمعا لصوت جرس الباب فهبت على الفور تقول بابتسامة
_دي أكيد ماما وورد .. عن اذنك هروح أفتحلهم الباب
قابلت أمها بعناق حانِ
_ماما... حمدا لله على سلامتم يا حبيبتي.... عملتوا إيه
قبلتها امها من وجنتها وهي تقول
_الله يسلمك ياجوجو... الحمد لله الدكتور طمنا وطلب مني أمشي على علاج الغدة كم شهر.. ها أخوكي رجع من القاهرة ولا لسه؟
_اه رجع يا ماما ودخل أوضته يرتاح شوية
تنهدت فريدة بارتياح فهي تصاب بالقلق والخوف عندما يسافر ابنها للقاهرة ولا تطمئن إلا عندما يعود إليها
_طيب الحمد لله
دلفت للداخل بينما رحبت جوري بورد
_ حمد لله على السلامة يا دودو..
ابتسمت لها ورد وقالت بينما تلاحظ حذاء غريب بالخارج
_الله يسلمك ياقلب دودو... هو إحنا عندنا حد ولا إيه
هتفت جوري بصوت عال
_اه دي زهرة تعالي أعرفك عليها
التفت لها أمها باستغراب
_زهرة مين دي يا جوري؟؟
وقفت رحيق مكانها بحرج بمجرد أن رأتهم
لتهتف جوري بابتسامة
_دي زهرة يا ماما.. من القاهرة .. ركبت قطر المنصورة بالغلط وفجاءة لقت نفسها هنا .. ومتعرفش حاجة هنا خالص... أبيه ساري شافها في القطر تايهة فعرض عليعا المساعدة
لتزم ورد شفتيها بضيق وتهتف بخفوت
_لا والله فيه الخير
بينما تقترب منها فريدة مربتة على كتفها بإشفاق
_ياحبيبتى يابنتي.. متخافيش ساري هيرجعك لحد بيتكم متقلقيش ... نورتي ...البيت بيتك.
ابتسمت لها رحيق شاكرة فضلها
_شكرا لحضرتك .
لتهتف فريدة بينما تنهض من جوار رحيق
_هقوم أحضر الفطار زمانك ياقلبي مكالتيش حاجة من الصبح
لتنهض جوري بدلا عن أمها
_خليكي ياماما هقوم أحضره أنا .. أنا استنيت لما ترجعوا علشان نفطر كلنا
لتضع ورد يدها على يد جوري
_لا خليكي إنتي يا جوجو هروح أحضره أنا بسرعة .
لتصر جوري على المساعدة
_طيب خلاص تعالي نحضره سوى وزهرة أهي قاعدة مع ماما.
___
دلفتا المطبخ
لتقول ورد بينما تقف جوار الموقد لتعد الشاي
_حاساكي من ساعة ما رجعت وإنتي عايزة تقوليلي حاجة
فركت جوري يدها وقالت بتردد
_أصل صراحة أبيه ساري.. شايط منك النهاردة على الآخر
لتزفر ورد بضجر
_ وإيه يعني ..هيه جديدة عليه
_هو زعلان علشان روحتوا المركز من غير ما تعطوا ليه خبر.
هتفت ورد بحنق
_جوري سيبك منه وخلينا نكمل فطار..أقولك هروح أغير هدومي وارجعلك
تنهدت جوري بقلة حيلة
_ ماشي
بينما كانت تتوجه ورد لغرفتها المشتركة بينها وبين جوري ...مرورا ب غرفة ساري.. وجدت الغرفة تُفتح ويدا ما تحكم قبضتها على شعرها ليدخلها الغرفة عنوة
لتضع يدها على شعرها بضيق وهي تهتف بنفاذ صبر
_اااه شعري يا ساري.. في إيه
ليهتف هة بيغظ
لا بجد مش عارفة في إيه ... تقدري تقولي إزاي تروحي إنتي وماما من غير إذني ها!!! ...انا مش نبهت عليكي متروحوش لوحدكم؟
أنت تقرأ
لا تتحدى الصقر
General Fictionهل فكرت يوما ان تجد طفلك فى رحم امرأة لا تعرفها ؟؟؟ عندما تكون بعيد عن الله _تحمل ما يحدث لك نتيجه ما اتقرفته يداك كيف ستفلتين من عقابه بعملتك تلك ،انت فى قبضته لا محالة ،فما فعلته لا يُغتفر ابدا ولا يُصَدق ان فاعله عاقل ابدا فما فعلته تقشعر له الاب...
