نواف : و الله أحسن لي يوم اشتغلت سايق باص !!
أبو نواف بضيق : و الله محد غيرك اللي مفشلنا قدام الناس بهالشغلة !
نواف بملل : يبه أنا أبي كذا
أبو نواف بقهر : الناس تقول الجد (أبوه) كان رجل أعمال ، و ولده رجل أعمال ، و ولد ولده الكبير رجل أعمال ، و لن شافوك أنت قالوا و الولد الثاني سايق باص ، سايق يا نواف ؟
نواف يأكل بدون اهتمام : يبه أهم شيء شغل
أبو نواف : أكيد أهم شيء شغل عندك أنت ، لأنك انسان فاشل !!
نواف :............
الجدة نورة : خلاص يا محمد لا تقول للولد كذا ما يصير
أبو نواف يطالع ولده بنظرات نارية : إذا تقول أهم شيء شغله ، ليه ما تتوظف بشركتي و إلا شركة أخوك ؟. جالس تشتغل لنا سواق باصات في مدارس البنات و الله حتى فضيحة ! ما أنه حنا لهالدرجة محتاجين عشان تشتغل لنا هالشغلة !؟
نواف : يبه كل ربعي يشتغلون سواقين باصات و عادي !
أبو نواف : ذلاك ربعك مو أنت ! كان لازم تحط لك خطة لمستقبلك ! أنا الحين مستغرب مين اللي بتاخذ واحد مثلك ؟
نواف زعل و نزل راسه بقهر من كلام أبوه القاسي :...............
أبو نواف بضيق : أولاد آخر زمن والله ، يتصرف كأنه مراهق و هو خلاص بالعشرينات !
نواف وقف : الحمد لله (و راح و طلع الدرج بسرعة)
الجدة نورة بضيق : الحين زين يوم قومته من أكله و زعلته ؟
أبو نواف بصوت عالي : و الله ذاك الدرب يبي يزعل ، أنا ما قلت غير كلمة الحق و كلمة الحق ما تزعل و أعتقد أنه هو ما يزعل من أبوه ، أجل هو لو سمع كلام الناس وش بيقول يا يمه ؟
الجدة نورة : لا حول و لا قوة إلا بالله
في نفس الوقت
يوسف ينزل من درج البيت ، و الخدامة تفتح باب الحوش و تقول : تفضلي مدام
يوسف لبس نظارته الشمسية و التفت يبي يشوف مين اللي جاينهم من الصبح ..
و دخلت وحدة عمرها كذا في العشرين .. راحت تمشي متجهه صوبه و ابتسامتها القوية مرتسمه على شفايفها ، و لابسه دريس قصير أحمر ، و جوتي سبورت أبيض و شعرها كان مسدول ، طبعاً شعرها كان عسلي و قصير لأكتافها ...
قالت بصوتها الناعم : صباح الخير يوسف
يوسف طالعها من فوق لتحت بعدم اهتمام : صباح النور ، هلا أبرار شلونك ؟
أبرار >> بنت عمه : تمام الحمد لله ، و أنت ؟
يوسف : الحمد لله
أنت تقرأ
رواية غــرور رجل وأنثى عنيدة • مكتملة •
Romanceتزوجها مجبراً فأقسم أن لا يقترب منها حتى تمر المدة التي في عقد الطلاق... فهل سيغير رأيه بعدما يعيش مع هذه العنيدة الجميلة؟! رواية خليجية (عُمانية) .. بقلمي أنا (كراميل)
