رواية غــرور رجل وأنثى عنيدة • مكتملة •

الفصل الرابع

في نفس الوقت

كانت جالسة في الحديقة و ماسكه تلفونها و تصور و تتكلم ..

لابسه دريس وردي طويل و حجاب أبيض .. و ما حاطه مكياج !

جواهر بابتسامة : و أسعد الله صباحكم يا أحلى متابعين ، في هذا الصباح الجميل اللي كله طاقة و حيوية و نشاط .. جبت لكم خلطة مره عجيبة ! ب تسألوني وش هي الخلطة يا جواهر ؟ و أنا بقولكم وش هي ؟ الله يسلمكم أنا هالخلطة سويتها بالبيت لحالي و جربتها و خواتي جربوها كمان و لقينا فيها فوائد عجيبة يا بنات و الله صدقوني رهيبة ! و ب3 مكونات بس للبنات اللي يعانون من الهالات السوداء تحت عيونهم .. طبعاً هالهالات لها أسباب كثيرة منها > عدم النوم بمعدل كافي أو قد يكون وراثة أو قد يكون من الأرق أو التعب .. أوكي .. فعشان يكون وجهك حيوي و نشيط و كله تفاؤل و تكونين واثقة من نفسك أنك جميلة .. بقولكم المكونات و كم مقاديرها و صدقوني يا بنات هالمكونات متواجدة بكل بيت بإذن الله أول شيء ........... (و قامت تشرح لهم .. 0~0)

طبعاً جواهر عندها أكاونت في الانستقرام و تنشر فيه للبنات اللي يتابعونها وصفات و خلطات مره مفيدة و تهم كل بنت ..

و طبعاً الكل يحبها و يحب نشاطها و حماسها ..

جواهر بحماس : و هذي كانت الطريقة ، أأأأ أتمنى أنه ترسلوا لي تطبيقاتكم الحلوة و النتائج و أراءكم و بس ... ههههه ذا كل اللي كان عندي و انتظروني بعد يومين بوصفة جديدة ... بااي

و نزلت التلفون و هي مبتسمة و قامت تعدل فيه شوي و نشرته !

و جاتها شروق : جووج ؟

جواهر تلتفت عليها : عيونها ؟

شروق جلست عندها : شرايك نطلع ؟

جواهر : وين نروح يعني ؟

شروق بملاقه : دام أنك تعرفين تسوقين شرايك تودينا المول

جواهر بحماس : أوكي ما عندي مانع (و وقفت) يلا خلينا نروح نجهز ..

شروق وقفت بفرح : يلا

في جهة ثانية

شيماء بشحطة : و شلون تاخذون سيارتي يعني ؟

جواهر : بناخذها نفتر فيها للمول و بنرجعها لك سليمة أوعدك

شيماء : لا لا لا لا أنا ما أأمن و خصوصاً منك يا جوج ؟!

جواهر تعلقت فيها بحركة طفولية : بليز شيومي بليز

شيماء بخوف : لا لا لا أنا أخاف و الله لن صار شيء ؟

شروق تخصرت : انتي خايفه على السيارة و إلا علينا ؟

شيماء : على الاثنين .. بس ما أقدر أتحمل المسؤولية لن صار شيء سامعين ؟