رواية غــرور رجل وأنثى عنيدة • مكتملة •

شخصيات الرواية

عائلة أبو نواف تتكون من :-

- (( أبو نواف )).. اسمه محمد و هو انسان حازم و شديد و لن قال كلمة ما يردها ، الكل يمشي ع شوره ، بس في نفس الوقت طيب و حنون ع أولاده و أكثر وحده يدلعها هي بنته > مها < .. و زوجته أم عياله متوفيه من 13 سنة ، و هو رجل أعمال و عنده شركة خاصه فيه هو و أخوه

- (( الجدة نورة )) .. حرمة كبيرة في السن و عمرها تقريباً في الـ75 ما شاء الله ، هي طيبة و حنونة و قلبها أبيض و تحب الخير لكل الناس .. طبعاً هي أم أبو نواف تحب أحفادها و دايم تدافع عنهم و تراعيهم و تهتم فيهم رغم كبر سنها إلا انها ما شاء الله مهتمه فيهم .. و هي انتقلت للعيش في بيتهم من بعد وفاة أمهم (( الله يرحمها ))

- (( لمياء )) .. هي أكبر بنات أبو نواف .. إنسانة هادية و طيبة و ع نياتها و متزوجة ((الوليد)) ولد عمها و هي أكيد تحبه و تموووت فيه .. و عندهم الحين ولد اسمه ((ناصر)) عمره 9 سنوات و بنت و اسمها (( حلا )) صغيرة يمكن عمرها 7 أشهر كذا ..

- [ يــوســـف ] .. هو اللي بعد لمياء و هو أكبر واحد من عيال أبو نواف .. إنسان عصبي و مزاجي بس داااايم هاااادي و غامض و مغرور درجة أولى و ما يحب احد يكون أحسن منه .. قلبه قاسي حييل هو تغير من بعد وفاة أمه .. بس هو في نفس طيب و حنون بس يظهر الطيب لأهله اللي يحبهم أما الناس الثانية × .. يوسف جاي أبيض شوي و عيونه ناعسه و مايله للخضرة ما شاء الله .. هو وارث لون العيون من أمه ، و مضبط شنباته مرّه كشخه ، و شعره أسود و كثيف و جاي كشخة درجة أولى .. هو طويل و معضل و شكله شخصية و هيبه و هو كله وسامه و جمال ♥ ، هو أحد أهم و أشهر رجال الأعمال في الدولة و له شركة خاصه فيه ممتدة فروعها بكل الدولة و خارجها .. يوسف إنسان نشيط و يحب شغله حييل .!!

- اللي بعده (( نواف)) ..إنسان فاضي و ما عنده شغله ، يحب الطلعات مع ربعه ، هو سايق باص في وحدة من مدارس البنات الكبار ، و هو عمره تقريباً في الـ24 كذا .. طبعاً أنتو أكيد استغربتوا أنه كيف أبوه و أخوه يوسف رجال أعمال و عندهم شركات و هو لا صح ؟ بقولكم السبب .. لأنه نواف ماخذ أدبي مثل كل ربعه و بعدين هو ما كان شاطر و لا مهتم بدراسته .. و كان في أيام اختبارات الكلية .. يدخل قاعة الامتحان و يكتب اسمه ع الورقة و يطلع !!! و من سمع أنه أصدقائه كلهم سواقين باصات صاروا في مدارس البنات .. راح على طول وراهم و صار سايق باص !! مع أنه أبوه دايم ينصحه و يحاول فيه أنه بيشغله في شركته بس نواف عنيد و ما يقتنع بالمره ! و يبي دايم يكون مع أصدقائه !!!.. نواف جاي أسمر شوية و طويل و معضل و عيونه عسلية و أنفه سيف و مرتب شنباته مثل يوسف ، و شعره كشخه و هو وسيم وسيم مرّه بس مو بوسامة اخوه يوسف ؟!!!

- (( مها )) .. بعد نواف هي .. بنت دلووعة حييل و مغرورة شوي لكنها جمييلة و كيووت .. الحين هي تدرس صف حادي عشر .. هي بسرعة تزعل و صعب أنها ترضى لكن في نفس الوقت طيبة و حبوبة .. عندها صديقه اسمها *عهود* و هي تحبها مرّه .. مواصفات مها .. هي جايه بيضاء و عيونها عسلية واسعة .. و أنفها دقيق و متوسط و شفايفها متوسطة و حلوة .. حواجبها مرسومة بطريقه حلوة .. و وجهها مرّه نفس وجه البيبي الصغير ، و شعرها قصير لأكتافها و لونه أسود ناعم .. و هي جايه قصيرة بس حليوه و جسمها ناااار !!..

- اللي بعدها (( مشعل )) و هو آخر العنقود .. ولد عمره 14 سنه .. يحب يلعب كوره و يلعب بلستيشن . يعني يحب اللعب بشكل عام ، و مو فالح بدراسته أبد و يكره المدرسة !! هو جاي أسمر شوي و عيونه عسلية ناعسه ، و أنفه متوسط و ملامح وجهه بشكل عام بريئة و كيووت رغم شقاوته .. و هو جاي طويل يعني أطول من مها مع أنه هي أكبر ..!

^^^^^

و عائلة عمهم اللي تتكون من :

- العم أبو أبرار هو أخ أبو نواف اللي أكبر منه و مشترك بشركة أبو نواف و يشتغلوا مع بعض

- زوجته .. اسمها مارية .. و هي إنسانه حييل طيبة و هي تحب أولاد أبو نواف و دايم تزورهم و تسأل عنهم و تهتم فيهم ..

- ولدهم الكبير (( الوليد )) ، هو أقرب واحد لـ يوسف ، و هو بعد زوج أخته لمياء وعندهم ولد اسمه ناصر، وبنت صغيرة {حــلا}.

- اللي بعده ((أبرار)) . بنت مغرور درجه أولى و دلوووعة و دلعها زاايد ،! أبرار بنت جميلة و جذاابة .. حب حياتها ْ يوسف ْ .. هي تحبه و تموووت فيه و دايم تحااول تتقرب منه بس كل ما تتقرب أبرار خطوة يوسف يبعد مئة خطوة ! لأنه يوسف يكره سوالف الحب و هالخراابيط ! طبعاً هي صديقة مها .. و تحب الطلعات و فرفرة السوق ..

- (( عبدالله )) .. هو بعد أبرار و هو في عمر نواف .. و هو طبعاً واحد من شلة أصدقاء نواف , هو يحب مها بس هي ما تعرف لأنه هو اصلا ما يقدر يعترف لها بهالشيء ,, اهم شيء انه مزاجي و ما شيء يعجبه و طول الوقت يتشكى و يتذمر .. و هو بعد سايق بااص

و الحين بعد ما عرفتكم فيهم ، خلونا نبدأ قصتنا ...