رواية غــرور رجل وأنثى عنيدة • مكتملة •

الفصل الرابع عشر

فــي الـــشــالـــيــه *

طبعاً الشاليه كان مره مرره كبير و فخم وأنيق و تصميمه مره حلوو و واضح انه لناس من الطبقة المخملية .. يعني ..

و فيه قسمين .. قسم للرجال و قسم للحريم .. و فيه حديقة كبيرة مشتركة .. و أحواض سباحه و أكيد مطل على البحر .. و المطبخ الكبير بعد مشترك

الكل واصل هناك .. الحريم في قسمهم و الرجال بعد .. و الأجواء خيالية !

طبعاً عند الرجال ..

أبو نواف تعرف على أبو العنود أكثر و حبه و دخل في قلبه على طول و أبو العنود بعد

حمود خلاااص راح و قال انه ب يرجع لهم وقت ما يبون يرجعون

و طبعاً أصدقاء نواف معزومين .. أكيد هذي ما يبيلها كلام

الرجال يتقهوون و يسولفون

الشباب كله ضحك و مزح و ضرابات ! معادا تيمور اللي كان بس ساكت و يطالع فيهم و يسمع السواليف

نواف : أقول شباب ما شفتوا السيارة اللي الحين نزلت .. من قبل 3 أيام بس ..

منصور : قصدك ال BMW ؟

نواف : إيه

خالد : صح هي نازله من 3 أيام شفتها و اعلاناتها بكل مكان يبوي تجنن !

عبدالله : و أنا بعد شفتها .. نعم انها ناااار

تركي : إي بس شفتوا السعر انتو ؟ يبوي يقص .. يشرخ ... أووف غاليه

نواف : يا خي بشتريها ما يهمني السعر

منصور : و أنت سواق باص ؟

نواف بفخر : لا تنسى من هو أبوي ؟

تركي : صدق ب تشتريها ؟

نواف : إي حبيبي وش على بالك ؟

تركي : أجل خلاص اسمع الخطة انت تجي تاخذني فيها كذا يعني لفه لفتين تعزمني على مطعم

يعني .. يا خووي ترا و الله اني أكشخ فيك

نواف : أفاااا عليك لفة لفتين ؟ هه و الله انك ما طلب شيء .. و اسمع ترا المطعم على حسابي

تركي : حبيبي و الله انك من يومك و انت ذيب

خالد : هيي هييي لا تنسوني هااا

منصور : و أنا بعد خطفوا علي برسل لكم لوكيشن بيتنا

نواف : حاضر تم ..

منصور : إي عاد ودي أشوفها و أضرب فيها كم لفه كذا أغاير الربع ههههه

الشباب : ههههه

تدخل يوسف اللي كان ساكت يسمع لكلام الشباب و تخيلاتهم و همه في عينه مثل الاغبياء .. قال بغرور قاتل : إذا تبي تشوفها يا منصور أنصحك تروح لمواقف السيارات الحين و ب تشوفها .. لونها أسود و جاي مكانها قريب من مدخل الشاليه