برا الشاليه
كانت فاتحه صندوق السيارة و تفتش فيها .. مسكت شنطتها و هي تقول : الحمد لله لقيتها
فجأة ..
سمعت صوت رجولي جاي من وراها يقول : ريــمــان ؟
مها استغربت و فكت عيونها من سمعت هالاسم و ما جاء ببالها إلا شخص واحد اللي هو ..
لفت وجهها و شافت خالد واقف قدامها و مربع ايدينه !
مها توترت و بلعت ريقها : خالد ؟
خالد ابتسم و قال : يلا شنو الاسم اللي حابه أناديك فيه .. ريمان و إلا مها ؟؟
مها مسكت الشنطة بقووة و هي تتمنى الأرض تنشق و تبلعها و لا تشوف الكذبة اللي كذبتها تنكشف قدام عيونها !!
داخل الشاليه
طلع من الحمامات اللي في قسم الرجال الله يكرمكم و هو لاف الفوطة على خصره لأنه الحين مخلص متسبح ..
جاي يمشي بس طشت بوجهه لولوة اللي كانت جايه من الممر ذاك !
لولوة صرخت بقوة أول ما شافته و بعدين قالت : بسم الله
منصور فك عيونه و هو يطالعها و يتذكر انه هي نفسها اللي كانت بعرس يوسف و جواهر و هي نفسها اللي كانت تتشاحط فوقه !
لولوة طالعت على جنب : استغفر الله العظيم ..
منصور باستغراب : وش فيك ؟
لولوة حاسه بالخجل .. قالت بعصبية : و أنت ما عندك ملابس يعني ؟ طالع كذا لييه ؟
منصور يتخصر : لأني الحين طالع متسبح .. و بعدين انتي وش يدخلك فيني يعني ؟ أنا كيفي و حر و أطلع بالشكل اللي أبيه انتي مالك خص !
لولوة تطالعه بقهر : أنت لازم تحترم نفسك لأنه شكلك مو متربي و لا تعرف الاخلاق و بعدين تعال انت ما تعرف انه المكان ذا في بنات و حريم ؟
منصور بذكاء : و الله انا الحين في قسم الرجال يعني شنو ؟ أتصرف على ما أبي .. و على فكرة ترا الحق عليك انتي لأنك جايه هنا .. يعني قسم و للرجال بعد وش تبين فيه أسألك انتي الملقوفه وش تبين فيه ؟
لولوة : أنا حرة و أروح مكان ما أبي انت مالك شغل !
منصور بقهر : انتي اللي جايه هنا يعني لازم انك تسكتين و لا تتذمري أو تلومينا !
و راح عنها و هو متضايق : بنات آخر زمن .. الشحطه عندهم بلاش !
لولوة تطالعه : و الله انت اللي من الأولاد اللي من آخر زمن .. هه قلة الادب ذي على بالكم شطارة ؟ هه مالت عليك و على وجهك و على الدقيقة اللي شفتك فيها !
منصور وقف و طالعها باستغراب : نعم ..؟
لولوة بشحطه : إذا مو عاجبك كلامي ترا فيه هنا جدار و اضرب راسك فيه !
أنت تقرأ
رواية غــرور رجل وأنثى عنيدة • مكتملة •
Lãng mạnتزوجها مجبراً فأقسم أن لا يقترب منها حتى تمر المدة التي في عقد الطلاق... فهل سيغير رأيه بعدما يعيش مع هذه العنيدة الجميلة؟! رواية خليجية (عُمانية) .. بقلمي أنا (كراميل)
