School Life With You

20: I Know You (part V)

Chapter Twenty - V
I Know You

|Third Person's Point of View|

Nang marinig ni Kier ang putok ng baril, at pagkatapos niyang mabitawan ang kanyang phone ay nahimatay ito. Ang tanging pag-asa ng tatlong babae para makaligtas... ay hinimatay. Hindi natin siya masisisi dahil ito ang unang beses na naranasan niya ang ganitong panganib.

Samantala, ng mga oras na rin na iyon ay magkakasama sila Vincent, Daixon, Rylen, Nash (from 10 Romans), Stanley (grade 12), and Xian (senior high student council president) sa meeting room ng Beleaguer House. Dahil VIP si Xian ay dito sa kanilang House niya dinemand ang kanilang meeting. Para saan ba ito? Isinasagawa nila itong meeting para malaman nila ang updates tungkol sa drug dealings sa kanilang school. Mayroon din na sariling problema ang mga Senior High pero ginagabayan nila ang mga nakababata sa kanila, dahil pati sa junior high ay talamak na rin ang droga.

"Vincent, what did you get?" Tanong ni Xian, presidente ng Senior High student council.

"I've gained information about the dealer of sports drug last Intramurals. His code name is Gray Eyes, a student from Buvlen High, and their transaction happened in the Dark Blue Web." Napatango-tango si Xian sa sinabi ni Vincent.

Ang BLUE WEB ay site kung saan laganap ang mga impormasyon tungkol sa mga tao at kung ano-ano pa. Dati kaunti lang ang may access nito, pero dahil na-leak ng ibang mga Erudite House members ang tungkol doon ay kumalat ito sa iba pang mga school sa Dandelion City.

Dahil tagumpay na napalalim ng mga taga Erudite House ang Blue Web, nagkaroon ng tinatawag na DARK BLUE WEB. Hindi na ito kayang i-trace o i-hack ng mga police, pero kaya naman ito ng mga FBI kung hindi maingat ang mga magpopost.

Ang layunin ng Blue Web ay para sana sa transaksyon ng mga taga Erudite House tungkol sa mga illegal research works, papers, codes, computer viruses, at kung ano-ano pang academic material na pinagbabawal ituro at matutunan sa school. Pero dahil, hindi pa gaanong na-establish ang system ng Blue Web ay maraming naka-access roon. Kaya naman gumawa sila ng Dark Blue Web.

Ngayon, sa Dark Blue Web sila kumukuha ng impormasyon sa mga illegal na study materials at binibili nila kadalasan. Ngunit hindi agad na-control ng Erudite House ang pag-lagay ng ilang members nila ng cryptocurrency sa Dark Blue Web kung saan gumagamit na ng bit coins ang mga tao para magbenta ng impormasyon. Hanggang sa ito na ang ginamit ng ilang mga nagbebenta ng drugs para hindi sila ma-trace ng FBI. 

Ngayon, ang Dark Blue Web ay ginawang bentahan ng impormasyon tungkol sa mga elite people sa Dandelion City, naghahire ng mga hitman ang mga politiko, at kung ano-ano pa.

"Stanley, pakisabi sa iba na hanapin nila kung sino si Gray Eyes." Utos ni Xian kaya naman tumango si Stanley. Hindi lang silang dalawa ni Xian ang tumutulong sa mga Juniors nila kundi marami pa. Pero may mga klase pa ang iba sa kanila kaya sila pa lang ni Stanley ang Senior na nasa meeting room. 

"Anong balita sa bit coins sa dark blue web, Daixon? Paano matetrace yon?" Tanong ni Nash, isa rin itong Dauntless House member ngunit magkaiba sila ng frat ni Vincent. Nagtutulong-tulong sila ngayon kahit na magkakaiba sila ng frat o ng Houses dahil pare-pareho nilang gustong ihinto ang bentahan ng drugs sa kanilang school.

"Mahirap itrace yon. Gumagamit kasi ng tor browser tong mga dealers." Sabi ni Daixon habang nakakalumbaba ito sa lamesa.  Sanay naman na sila na makita si Daixon na mukhang "tinatamad" kaya hinayaan na nila ito. 

"Ano yung tor browser?" Tanong ni Nash na napakunot-noo. Hindi kasi ito pamilyar sa mga terminologies ng mga magaling sa computer. 

"Parang onion routing, ganon." Sagot ni Stanley na isa ring member ng Erudite House.