ايه : بابا تشيلني للبحر شويه
محمد : ادللي يابابا هيا شن تعدي يا هند
هند : لالا بنكلم سدينه وبنكلم مبروكه نسق بينهن
محمد : براحتك هيا ويه
ايه : هيا .....طلعنا وعدينا شور البحر قعمزنا علي الشط كان الجو سمح ورايق وفاضي شويه ناس مطرطشين قعدت شويه
محمد : ويه نجيب اسبول وعصير وحاجات وانجيك باهي
ايه : باهي ....عدا بابا قعدت بروحي حاسه ناااار في قلبي معش عرفت ليش هك نحس زعما انا نحب حسن لالا كيف نحبه هو ولد خالتوا بس يارب ليش نضايق من موضوع هضا زعما كلام نونا صح انا نحبه اااوف يارب ساعدني وقويني يااارب
محمد : خوذي يابابا
ايه : نجك لياااا شن عقبت ماجبت
محمد : انتي بنتي لو تطلبي روحي ترخصلك يابابا
ايه : بابا شن تبيني نقرا ونقعد
محمد : ههههههه انتي الي شن تحبي تقري وتتخرجي وشن حلمك
ايه : ههههه مش عارفه عمري ماحلمت بشي
محمد : هههههههه انتي زي بابا كل شي في وقته تفكري فيه
ايه : قالها عمو محمود ليا زي بابا انتي
محمد : ربي يحفظه ويطول في عمره اسمعي يابابا في غيابي اسمعي كلام عموا واي شي يقوله لكي نفذي واي شي يقراره لكي وافقي عليه عمك محمود كبير وعنده نظرة لكل شي ماشاء الله يفهم ويعرف كل شي
ايه : حاضر هو بعد رايك ناخذه وربي يطولي في عمرك ياحبيبي ولا يحرمني منك وان شاء الله ربي يدومك ليا في حياتي ولا يحرمني منك ....حضنته بقوووة وفجاة نهرت بكاء من وسط قلبي
محمد : بسم الله كنك يابابا ويه بنيتي كنك زعلانه من حاجة
ايه : هزيت راسي بمعني لااالااا
محمد : مريضه يابابا نعدو للدكتور
ايه : لالا
محمد : باهي كنك يابابا شن في صارت حاجة زعلاتك
ايه : لالا مافي شي بس مضايقه من الامتحانات
محمد : لا ضايقي روحك لاشي اقري وديري الي عليك نجحتي باهي مانجحتي ياخذ سوك يابابا اهم شي عندي صحتك وكلا الباقي كله يتعوض امسحي دموعي سلم ابنيتي هيا
ايه : ربي يخليك ليا
محمد : ويخليك ليا هيا كولي وخلينا نصبوا ندهوروه لنا زمان ماطلعنا مع بعضنا
ايه : هيا ........فعلا كلينا وعدينا ندهورو من مكان للتاني لعند تصادفنا نحن واحمد ونسرين في المحلات
احمد : اوووو عمي محمد ....جيت قعدت نسلم عليه .....كيف حالك وحال صحتك ان شاء الله بخير
محمد : سلم حالك يااحميدة كيف حالك انت وحال الحاج والحاجة والعيله كلهم
