صفاء : تشربوا نسكافي
احمد : لا اعفيني في هالليل
خالد : احسبيني
صلاح : ونا احسبيني
صفاء : تم .... عديت جوا
احمد : خطرها انت وياه الاسبوع الجاي فرح صفاء ديرو حسبتكم
خالد : انا عطيتها فلوس لامي
صلاح : توا نعطيهن بكرا
احمد : تمام عشان نجيبوا مصروف وحاجات الفرح
خالد : هذي شوركم مانفهمش فيهن
صلاح : توا نقسم الحاجات بينا انا وانت يااحمد
احمد : تم
صلاح : قعدنا نهدارزو فجاة وصلتني رسالة بعد شفتها نصدمت كانت من سحر " فوتني خلاص "
خالد : كنك مفنص في نقال
صلاح : لا شي ....صبيت خشيت للدار وطول رنيت لقيتها مقفل طول طلبت رقم عمتي .... ايوا
زكيه : خير ياصلوحه كيف حالك ياعمتي
صلاح : الحمدلله كيف حالك انتي
زكيه : الحمدلله
صلاح : عمتي وين سحر عطيها ليا
زكيه : هيا هي في دار هيا ...سحر ياسحر يبك صلاح .... اهيا ... صلاح علي الخط
سحر : ايواااا
صلاح : وين نقالك كنك مقفل
سحر : بنرقد طفيته
صلاح : شن الرسالة الي دازتيها
سحر : رسالة شن
صلاح : تي كيف رسالة شن توا جتني رسالة من رقمك
سحر : انا مادازيت شي
صلاح : صبي افتحي خاربك وشوفيها هيااا
سحر : باهي وسع بالك
صلاح : بلا دوة زايدة صبي
سحر : الصبر
صلاح : شن صااار هااا
سحر : استنا يولع قولي شن جاك ليش معصب
صلاح : ومش فاطنه لروحك ياسلام
سحر : اهو ولع هههه فوتني خلاص
صلاح : شن الي يضحك
سحر : بنذازها لفدوة حطيت عليك انت عشان مخزنتكم بنفس اسم بختلاف الارقام
صلاح : وفدوة تقوليلها فوتني صار
سحر : ياحبيبي عكست الحروف بس لخبطه تصير مش قصدي عشان سكنتلي ترن وانا بنرقد مديرش قصة
صلاح : وجيجك مع فدوة مش عاجبني راهو هيا اوكي ،،،،،، طوووووط .....اووووف ماقتنعتش بكلامها وحركاتها غريبه او انا قعدت نشك استغفر الله العظيم خليني نصبي ندوش ....فعلا خشيت دوشت وطلعت لقيت صفاء وخالد
