بعد مرور ايام
ايه : اليوم صلاح مسافر وتيتله دبشه وكل شي يلزمه ..... حمااادي حووول اطيح ...جيته نجري تزلحقت قبل جيت طايحه
صلاح : مسكتها .... ويه عليش تجري اطيحي
ايه : من هالفرخ هبلني شوف شن يدير
صلاح : هههه يبي المفتاح
ايه : مايسمع بكل
صلاح : تعالي يابابا ... مسكته من يده
ايه : حوده عدي مع بابا
صلاح : صوت حسن جاء هيا ننزلوا
ايه : والدبش
صلاح : توا انزلها هيا شنطه ..... مسكتها ومسكت حمادي ونزلنا لقيتهم كلهم ملتامين قعدنا نهدارزو وسلمت عليهم كلهم .... ياحاج ويه في امانتكم ردو بالكم منها
الحاج : توصي فيا علي بنتي ياهبل
صلاح : وبنتك ام عيالي وفي امانتك مانبي حد يزعلها
الحاجة : ماتخمم عليها بكل في عيوني ياامي
صلاح : جيت حبيتها علي راسها .... سامحيني ياغالي تعبتك معايا
الحاجة : الله يسامحك وربي يجبر خاطرك وتجي طيب ونفرحوا بيك
كلهم : امين
صلاح : جيت لويه والعيال .... حمادي يابابا ماديرش شيطانه وتعب ماما باااهي يابابا
خالد : هههه يضحك
صلاح : نحس فيه يقول نهارها قشطه غير عدي هههه
كلهم : ههههههه
صلاح : ايه ردي بالك من روحك واي شي ينقصك قولي للشباب
ايه : باهي ماتنشغل علينا اهم شي رد بالك من روحك ونستنوا فيك
صلاح : حاضر هيااا نتلقوا علي خير .... برمة طلعت انا وحسن وخالد واحمد شور المطار
ايه : هما طلعوا وانا سيبت العيال تحت وركبت خشيت قعدت نبكي لعند فشيت عبرتي غسلت وجهي ونزلت قعمزت مع عمتي والبنات قعدنا نهدارزو لعند روحوا قالوا طلعت الطيارة وسافرو قعدنا هدرزنا وركبت فوق انا خشيت مع العيال وفجاة ينقطع الضي والعيال علقوا عياط .... عليك قصة اسكتوا .... قعدت نتلمس والعيال واحد في يدي والتاني في حضني جيت حطيت حمادي علي الصالون وقعدت نطلع في نقال انا طلعته ووولعته وحمادي ينقلب من علي الصالون .... حيييييي ... نضت نجري رفعته لقيت راسه دم ... حي عليااا ... رفعته ورفعت حوده ونقال وطلعت نجري مع طلعت خالد
خالد : كنت طالع نسمع في العيل يعيط وصوته مش عياط عادي جيت بندق مع طلعت ويه رفعته .... كنكم
ايه : حي علياااا دم طاااح حمااادي
خالد : شن .... مسكته لقيت جبهته من قدام دم ومش شويه ..... هضا يبي مستشفي هاتي منشف نحطه علي راسه
