بعد مرور ايام
صلاح : العزاء كان عندنا ثالث يوم العزاء عدت عمتي لحوشها وعدت ايه وامي وكل العيلة غادي كل مرة ويه طايحه وتعبانه صحتها مش عاجبتني خذيت موعد كم مرة عشان تعدي تجي وادير مناحة وعياااط ماتبش تعدي نفوتها نفسيتها تعبانه بكل اليوم روحت تعبان من العمل قعمزت نتغذاء رن نقالي عمتي هند .... ايوا
هند : يااصلوحه تعال راهو ويه مريضه
صلاح : ياعمتي المشكلة نجي ماتبش تعدي وادير عياطات وهرجه ونتعاركه معاها ونروح
هند : بس هيا مريضه تشكي من جنبها مغص انا خايفه علي اعيالها
صلاح : هيا جاااي هي ،،،،،،طوووووط
الحاج : كنها ايه
صلاح : نفس الموال مريضة وانعدي ادير قصة وعياطات ماتبش تعدي
خالد : وسعوا بالكم عليها راهو فاقده عمي ومنصدمه
الحاج : استنا توا نعدي معك انا نتفاهم معاها
صلاح : هيااا ...... طلعت انا والحاج عدينا غادي
خشيت قلتلهم باتي بيخش عمتي خشت دارها ونحن خشينا جوا طلعتنا في المربوعه سلمت وقلتلها ..... هيا البسي نعدو للعيادة
ايه : لالا مانبش مافيا شي
صفاء : ويه اضري روحك واعيالك كنك
ايه : لا مانبش
الحاج : لو كان محمد قاعد كان عجبه تصرفك هااا جاوبي
ايه : بحتث فيه
الحاج : جاوبيني لو باتك يقبل ان اضري روحك اقعدي وماتعدش وولو مش فارق عندك زعل باتك اقعدي
ايه : نلبس وانجي
صلاح : استغربت بعد وافقت وفعلا لبست سيبت الحاج مع خالها مفتاح وحسن عدينا ماحكتش حرف معايا وانا ماحبيت نحكي عشان ماتغير رايها نزلنا حجزنا وقعدنا نستنوا بعد كلمونا خشينا .... السلام عليكم
الدكتور : وعليكم السلام شن تحسي ياايه
ايه : مغص قوي هنا ....اشرتله علي احزامي
الدكتور : من امتي
ايه : من امس
الدكتور : تعالي هنا معايا
ايه : جيت معه جهزتني الممرضة وقعدو يصورو فيا
صلاح : شن يادكتور
الدكتور : اوووو ياايه كيف هك
ايه : شن في
الدكتور : العيال نازلين
ايه : كييف شن نازلين
الدكتور : شوفي هما مفروض هنا كانوا بس انتي نازلين تحت شوفي الفرق شن دايره او شن صاير انتي في السادس والشي هضا خطير
