الحلقة 20
ايه : قعدت نسلم علي باقي الصبايا وطلعت شور المطبخ
صفاء : شن حسيتي
ايه : شن بنحس عادي ههههه صبايا زينا
نسرين : ههههه عطك الخير ياويه
رنده : عكس شعوري وقت جوني يخطبوا
ايه : انتي بعد حب وشوق ياحنه ههههه
رنده : ايوااا بعد عذاب ههههه
ناديه : هيا شيلي الضيافة انتي وياها
هدي : هيا بلكي نحصلوا عرسان هههه
ايه : قعدو يقدموا والصبايا يهدارزن لعند خشت رنده علينا
رنده : عندي لكن خبر
نسرين : شن
رنده : وائل طلب من عمو محمد مقابله عشان يتفاهم معك وهو وافق
ايه : ششششن
رنده : والله قالها ليا خالد توا
نسرين : تعالن الصبايا بدان يخطبن في ويه
ناديه : هيااا
ايه : نحن طالعين وفجاة خبطت الصفرة الي علي دولاب طاحت ... ووواااك
نسرين : بسم الله انضريتي
ايه : لالا
رنده : انكسر الشر هذي عين
ايه : اي شر صفرة امي انكسرت حي عليا من عمتك هند هههههه
كلهن :هههههههههه
ناديه : هيا انتن شيلنها الضايفه للصبايا
هدي : هيا صفاء
صفاء : هيا
ايه : هنا طلعن يشيلن في الضايفة ونحن عدينا نسمعوا فيهن
~~~~~~~~~~~~~~~
الحاجة : تفضلوا تفضلوا انتم مش برانيه
صفاء : خشينا قعدنا نقدموا في الضيافة ....تفضلي
هند : تفضلن مش برانيات راكم
هدي : مدينالهن الضايفة وطلعنا
زينت : خلونا قبل ماناكلوا ضيافتكم نحكوا في موضوعنا الي جايه عشانه انا ياخيتي هند جايتكم وطالبه بنتك ايه لوليدي وائل الحق هو حقها وخشت خاطره وقالي عليها انا شفتها في فرح رنده وخالد ماشاء الله عليها وانتم عائلة سمعتكم وصيتكم الله اكبر عليكم وبنسبه لوليدي كيف ماتعرفوه كان برا يقرا وتخرج وقعد يشتغل في ايطاليا وهضا وين روح وبيستقرا هنا هو مهندس وعنده مكتب خاص بيه للهندسة وحوشه بروحه وماعندش مشكلة تكمل قرايتها وجامعتها وهو عارفها تسوق وعادي وهو حيجي ويتفاهم معاها في مقابلة وربي يجعل بينهم نصيب
هند : والله ياخيتي لو في نصيب كاتبه ربي لهم حيصير وطبعا الشور الاخير للبنت ولباتها
