ايه : صكرت وطفيت الضي ولعت الاضاءة ورقدت نضت علي حمادي يدور ويعياط صبيت .... هاااا ياماما كنك اسكككت هيااا خوذ امياه كنك ....قعدت نلمس فيه نحسابه حرارة.. كنك ياماما اسسس ياحبيبي كنك .... قعدت نبرم فيه نسكت فيه مابش يسكت في عيطه واحدة خفت حوده ينوض لبست لبسة الصلاة وطلعت في البركوني سكت طشه ورد يعيط معش عرفت شن ندير سمعت الحوش يدق خذيته وطلعت لقيته نسرين واحمد
احمد : كنه العيل نسمع في العياط
ايه : مش عارفه يااحميده ناض هك يعيط ومابش يسكت
نسرين : جيت لمسته لقيته مش ساخن .... مش حرارة بلكي راسه يوجع فيه
ايه : عطيته دواء حرارة قبل يرقد
احمد : نشيلوه للعيادة البسي كان هضا
خالد : كنكم بسم الله شن في العيل كنه
نسرين : ناض يعيط
رنده : بلكي مريض راسه
الحاج : كنه العيل ياايه انتم هووو
ايه : مش عارفه ياعموو يعيط بروحه
احمد : هاتي بس توا نشيلوا للعيادة نتفرجوا عليه نقعدو
احمد : خذيته رفعته في حضني
ايه : فجاة سكت وحط راسه علي كتف احميدة ولاول مرة قال با
حمادي : باا باا
ايه : حي تكلم
خالد : هههههه يحسابك صلاح شكله
نسرين : المهم سكت يناري يبكي بالعبرة
الحاجة : جيبوه هنا نشوفه
ايه : نزله لاعميمه تشوفه حوده راقد خايفه ينوض
رنده : انزلي معه انا نستنا جنب حوده
ايه : صحيتي ..... نزلنا بيه تحت قعدت اعميمه تشوف فيه
الحاجة : بوه يرقد فيه جنبه العيل
ايه : اها
الحاج : هضا بيش يعيط
خالد : هههه واحمد اليوم مستعمل عطر صلاح هضا بيش يحسابه صلاح
الحاجة : حطي جنبه دبش صلاح
احمد : رقد
خالد : اها
الحاج : خلاص شيلوه يتريح في حوشهم عن تيار
ايه : نتعبك احميدة تشيله تحطه في افراشه
احمد : هيا ..... ركبته لها فوق حطيته في فراشه
خالد : ويه اي شي رني
رنده : مش تقعدي حايسه فيهم كلمينا
ايه : باهي ..... هما طلعوا خشيت لبست تيشرت صلاح وبخيث عطره وخشيت رقدت جنب حمادي وعديت في سابع نومه وانوض الصباح علي صوووت نقال يرن بحتث لقيته صلاح وحسيت كتفي منمل لقيت حمادي راقد عليا وحوده تحت كراعي تقول مطربق فينا لغم ههههه رد عاود صلاح يرن لقيته فيديو فتحت ....... ايوا صباحو
