بعد مرور ايام
حسن : كنت مروح من العمل في طريق وقفت جبت نواقص الحوش ومروح طول شور الطريق رن نقالي مومن قلت اكيد نونا ومش وقت رن وسكنان ودوة زايدة فاتتها سكن يرن فتحت ..... ايو
مومن : خير احسونه وين قاعد
حسن : خيرات والله مروح للحوش كنك ان شاء الله خير
مومن : انا في المستشفي راهو خالي محمد دار حادث كلم اهله وتعال
حسن : كيييف شن حالته
مومن : حسن والله قالوا تعبان انا ماشفتش بس بلغ الحاج وباقي العيلة وتعالوا للجلاء
حسن : كيف عرفت
مومن : رنوا عليا نستنا فيكم ،،،،طووووط
حسن : طول طلبت صلاح ..... ايوا
صلاح : احسووونه شن جو
حسن : انت في الحوش
صلاح : اها
حسن : اطلع من جنب ايه ودورني بسرعه تم اوكي ،،،،، طووووط ..... عديت طول شور مستشفي شويه ورن صلاح ......ايوا
صلاح : شن في شاغلتني
حسن : خالي محمد دار حادث وقاعد في الجلاء خبر الحاج وتعالوا غادي
صلاح : امتي
حسن : مومن رن خبرني كلموه هما ماعندش معلومات المهم انا قريب نوصل تعالوا هيا
صلاح : تم تم ،،،،،طوووووط
حسن : طول عديت شور المستشفي نزلت نجري خشيت لقيت نزار ..... شن صار
نزار : ادعي يطلع منها الحادث خطير بطاح الي خاش فيه
حسن : ياحول الله شن قالوا باهي
نزار : تعال جوا باتي ومومن جوا واسماعيل
حسن : هيا ربي يستر ... عديت لقيتهم جنب الاسعاف ..... السلام عليكم
كلهم : وعليكم السلام
حسن : شن صار احكوا
مومن : كلمني علي شغل قلتله تم بعد ساعةرن نقالي رقمه طلعواا جماعة الي اسعفوه لقوه رقمي رنوا عليا خبروني جيت هنا
مفتاح : قالوا حالته خطيرة ربي يستر
حسن : لاحول ولاقوة الا بالله
مفتاح : خبرتوا الحاج
حسن : كلمت صلاح خبرته
نزار : ربي ينجيه بسلامه
اسماعيل : يارب اهووو الحاج واحمد
مفتاح : عدينا شورهم
حسن : ياحاج هنا
الحاج : شششن صار محمد وين
مفتاح : دخلوه اسعاف وقالوا بيديرو عمليه نستنوا فيهم يطلعوا
