بعد مرور ايام
صلاح : عدت الجلسة وباتي عدا قدم الاوراق وصكرها بكل وعدا شور حسام وتكلم معه طلع ماعندش علم ودار مشكلة وعركه مع امه وسمعنا ان عطاء سحر لصاحبه وهيا رافضه بس غصب عنها عطاها وقاعده حياتنا ماشيه في روتين كلهم مافي شي جديد والي هضا غاطس في حياته وويه بدات محاضرات وقعدنا نتساعدو كان عشيه انا نقعد مع العيال وكان محاضرة صباح يقعدو مع امي وهك ماشي الجو نضت الصباح صداع راسي بكل
ايه : صلاح صبي وقت عليك
صلاح : مش ماشي راسي صداع
ايه : كنك شن قصة هالصداع لكي فترة هك صبي عدي للعيادة
صلاح : اييييه فكيني من الصداع مش ناقصني عطي مفاتيح لاحمد يعطيهن لنوري
ايه : مابيتش نعصبه خليته راقد وخليت العيال راقدين ونزلت لعيت عمو لقيتهم يفطرو في الجنان ..... صباح الخير
كلهم : صباح النور
احمد : كيف وين صلاح قال بيعدي بدري
ايه : راسه صداع هذينا عطيهن نوري قال
خالد : شن قصة هالصداع زايد عليه
الحاجة : اخر فترة واجد حسيته زايد
ايه : قلتله عدي للعيادة مابش
الحاج : خليه غير ينوض انا قاعدله اليوم غصب عنه نشيله
ايه : ياريت ياعموو والله شاغلني
الحاج : ولا يهمك
ايه : هيا صحة نشوف العيال
الحاجة : كان ناضوا جيبهم ليا يغيرو جو في هالشميسه
ايه : حاضر نغيرلهم ونزلهم ..... ركبت بركة علي الحوش وووعيت العيال دوشتهم ولبستهم وعطرتهم وخذيتهم نزلتهم لعميمه ولعمو وركبتولقيته في الحمام يستفرغ ..... حبيبي كنك
صلاح : غسلت وطلعت
ايه : عدي للعيادة
صلاح : ديريلي قهوة ثقيله بنغير ونطلع توا نشتغل يخف
ايه : تم ..... درتله قهوة خذاء فنجاني ونزل مابيتش ننزل خفت يقولي منك
صلاح : نزلت لقيتهم في الجنان صبحت عليهم والحاج حلفلي بالطلاق ان يشيلني للعيادة وفعلا عدينا وصلنا حجزنا وقعدنا نستنوا شويه وخشينا قعد يعاين فيا ويكشف عليا دارلي صورة للجيوب الانفية طلعن تمام وطلب صورة علي الراس .... ليش هالصورة يادكتور
الدكتور : عشان نطمنوا بس
الحاج : يعني مافي شي صورة علي الراس للاطمئنان
الدكتور : ان شاء الله ديروها وتعالوا ردو عليا وخوذ
المسكن هضا وقت الوجع يمسك عليك
صلاح : تم ..... كتبلي مسكن وخذيت الصورة وطلعت للصيداليه خذينا العلاج وطلعنا شور قسم الاشعة ودرنا الصورة وقعدنا شويه وخذينا النتيجة الصورة وطلعنا للدكتور شويه وخشينا عليه ... السلام عليكم
