ايه : وقف علي محل نجيبوا نواقص الحوش
صلاح : في العادة مستحيل ننزل مع بنت لمحل مواد غذائية بعد هيا طلبت وقفت ونزلنا مع بعضنا خذينا كروسه وخشينا هيا تاخذ وتحط وانا نبحث لعند كملنا وقفت بنخلص تصادفنا نحن ووائل
ايه : بعد شفت وائل خفت بكل بدون مانفطن مسكت يد صلاح بقوة
صلاح : استغربت مسكة يد ايه ليدي وكانت ماسكتها بقوة واضح خايفه برمة عليها ..... ماتخافش كنك
ايه : وراس صلاح فوته عشان خاطري
صلاح : ابتسمتلها وخذيت الكروسه وسحبت ايه من يدها للكاصه التانية خلصنا وطلعنا ركبنا وروحنا للحوش طول وصلنا خشينا علي هرجة في الجنان قابلتنا صفاء تعارك ونسرين وسحر تبكي وعمتي تعارك ...... كنكم بسم الله
ايه : شن في كنكم
الحاجة : خود مراتك واركب حوشك
صلاح : شن في بس
خالد : اركبوا ياصلاح مش وقت اسئلة
صلاح : فهمت طول الموضوع برمة علي ايه وقلتلها .... هيا اركبي
ايه : بدون مانحكي برمة بنركب
صلاح : جينا بنعدو وقفت علي
سحر : هو ضحك عليا
ايه : برمة طول علي وراي جت عيني في عين صلاح
صلاح : بعد جت عيني في عينها حسيت ان الدنيا انتهت بنسبه ليا والحق خفت من نظرة ايه ليا لو عرفت القصة قطع تفكيري خالد
خالد : ماضحكت عليك في شي فكيني من البلعطه
صلاح : بعد تكلم خالد قلت نستغل الفرصة .... اركبي .... دفيتها قدامي ... هيا
ايه : ركبت قدامه
صلاح : فتحت الحوش وخشينا وصكرت
ايه : كنهم شن في
صلاح : مش شورنا
ايه : كيف مش شورنا
صلاح : مش شورنا ياايه جينا ولقينا مشكلة ومايبوش يحكوا لازم نعرفوا
ايه : تي بلكي نقدرو انهدو القصة
صلاح : فوتي قلتلك
ايه : حييييي صوت عمو جاء يعارك ..... جيت شور الباب بنفتح
صلاح : مسكتها ورفعتها في حضني
ايه : انصدمت .... هاااااي سيب كنك
صلاح : مش مسيب وقلتلك فوتيهم صح ..... خشيت بيها جو وحطيتها علي السرير
ايه : شن ادير انت هااا شن في عقلك
صلاح : كنك بسم الله ههههه مافي شي عشان ماتنزلي بس
ايه : فطنت لروحي ...... اها حووول ......صبيت خشيت للحمام
