حسن : قعدنا نهدارزو برا لعند جابوا خيمه للرجالة وقعدنا نتحاوسوا ونجرو علي العشاء وكل مرة جايبين حاجة ضيافه الحق ماشاء الله مانقص شي وكل شي بالزايد والناس بدات تجي
صلاح : تفضلوا جوا الخيمه
نزار : اصلوحه امياه للجماعه
صلاح : حسن امياه نتعبك
حسن : تم توا نجيبوا الترامس ........ خشينا جوا ....صفاااااء صفااااء
صفاء : هياااا .... جيته نجري ...... نعم
حسن : ترامس الرجالة وين
صفاء : اهنا جهة هذي تعالوا خوذوهن
حسن : توا نكلم علي وحسام .... طلعت ياشباب تعالوا جيبوا معايا الترامس
علي : هيااا
حسن : خشينا جبناهن وطلعنا وبعدها كلها جت وحطينا العشاء وبدينا نعشوا في الناس كان اسبوع كبير ماشاء الله ماغاب حد كملوا عشاء والشاهي والناس روحت كنا برا مقعمزين نهدارزو وننفجعوا بصوت هرجه جوا الجنان وعركه وعياط خشينا نجرو مفجوعين .... كنكم شن في
زكيه : رد بالك تجيبي سيرة بنتي علي لسانك
هند : انتي الي خليتني نحكي كان هضا ماجيتي شور بنتي راهو ايه مش زايده عليا ايوا
حسام : كنكم شن في
صلاح : شن في
زكيه : تحكي علي بنتي
الاء : ماما انتي الي بديتي تحكي في الموضوع وغلطي في ويه ورعشتيها مش هك كنك
الحاجة : عيب يازكيه البنت نافس ليش ترعشي فيها وتدعي علي اعيالها هااا مليكه هضوما
زكيه : اها ان شاء الله كيف فرقت بينا وبين اعيالي يفرق الله بينها وبين
الحاج : زكييييية رد بالك تكملي
زكيه : ياااا حاااج انا
الحاج : انتي من اليوم معش تخاطبني ولا تجي حوشي الي وصلتي لمستوي تدعي علي احفادي ملائكة ماضروك في شي كلا الكبار عمري ماحكيت عليهم وترعشي في بنت خوك الله يرحمه وهيا مريضه هضا شي خوك بروحه مش حيسامحك واعيالك الاثنين حسام والاء مرحبتين بيهم في اي وقت وانتي اعذريني معش تجي لعند تعتذري من هند وبنتها تسمعي فيا
زكيه : مستحيل نتاسف منهن وهنا خربن حوشي
الحاج : الي خرب حوشك هيا بنتك وتربيتك لها وانا شايف كل شي ماتخلني نتصرف شخصيا معاها
حسام : امي اطلعي قدامي وانتي فضحتي بينا اطلعن هيا .... سحبتها من يدها وطلعنا ولعت السيارة وطلعت
الحاج : خلاص انهوا الموضوع
حسن : خليناهم جوا ونحن قعدنا برا نهدارزو
