ايه : قعدنا ناخذو في القصاعي وندخلوا للصبايا
سحر : نبوا قصعه اخري ناقصه
ايه : عدي جيبي شن تستني
سحر : شور خوالي مش شوري ....عديت خشيت وفتتها
ايه : خززززي
صفاء : فوتيها ياويه تنابش توا نجيبلك انا
ايه : لالا توا انا نعدي خشي انتي اكدي ع الباقي بس
صفاء : باهي ...... عديت نتاكد من الصبايا
ايه : عديت نجيب في قصعه .......ناقص قصعه قالولكم
زكيه : من مازال
ايه : سحر قالت خوالي مازال
صابرين : اهيا واتيه شيلها
ايه : هاتي .....خذيتها وشلتها مع طلعت صفاء
صفاء : مازال واحدة اخرة توا نعدي نجيب
ايه : باهي ....انا خشيت وحطيتها .....هيا قدمن للعشاء
ناديه : عقبالك ياويه
سندس : عقبال فرحك ياويه
ايه : ان شاء الله وعقبال عندكن نونا قدمي
نجاح : هيا كنا نتفرجوا علي تفريشه ماشاء الله
هدي : صورتي انتي
ايه : اها نقالي عند ماما توا نوريكم الصور الباقي السياق وكل شي هيا تعشن نعدي نشوف صفاء وبنات وانجي
نجاح : باهي
ايه : طلعت ماشيه جهة الجنان ونسمع
صلاح : مش قلتلك خليها واتيه
الحاجة : خلاص اسكت توا نعطيك واحدة بسرعه بلاش فضايح
زكيه : الي كانت هنا خذتها ايه لخوالها
صلاح : عليش تقرب فيها مش شورها هيا
صابرين : لا ياعمتي الحق انا عطيتها لها قدام حتي زكيه
صفاء : خوذ هذي واتيه وفكنا من المشاكل هاااك
الحاجة : خود من اختك وعدي هيااا مش وقت فضايح
صلاح : خذيتها وطلعت قابلتني ايه
ايه : قلبت وجهي فيه وعديت شورهن
الحاجة : ويه خلاص معش تبوا
ايه : اها مازال الي عند صفصف
صفاء : خلاص واتيه توا نشيلها .....خذيتها وخشيت
هند : جيتهن ...راهو خلاص شطبنا جوا شن الرجالة خلاص
الحاجة : خلاص قالوا كلها عطوها
ايه : جيت قعمزت علي الماده ....اخيرااا كملنا
صابرين : كرعيك منفخات يابنت ترا ...قعدت نتلمس فيهن لها
