ايه : خشيت جوا طول حطيت الاكياس علي السرير وخشيت دوشت ولبست بجامه سروال وبدي ربع وطلعت صليت وخذيت جاكه ونزلت لوطه عند عيت عموو قعدنا مكسدين لعند جت اعميمه صابرين درنا جو ضحك وهذارزه
صابرين : ويه قلتلك بنت خالك مفتاح فاضيه
ايه : هدي
ايناس : اها عجبت ماما تبيها لعليوه
ايه : حسب علمي مافي شي عندها بس تبي نتاكد ونسالها حاضر
صابرين : هيا ماشاء الله عليها وخالك تربيته معروفه تبارك الرحمن عشان هك شوفيها قولينا
ايه : حاضر تم وربي يكتب الي فيها الخير
كلهن : ان شاء الله
ايه : نحن نحكوا ونسمعوا صوت عموو وبابا .... حسه بابا جاء
الحاجة : اها بكرا ماشي مشرق هو وعمك شغل
الحاج ،محمد : السلام عليكم
كلهم : وعليكم السلام
ايه : بابا حبيبي كيف حالك
محمد : الحمدلله انتي كيف حالك شن صحتك
ايه : الحمدلله عمو كيف حاالك
الحاج : الحمدلله بخير شن مازال موعد فكة الجبس علي كراعك
ايه : بكرا نعدي ويشوفوها ليا
محمد : مازالت توجع فيك
ايه : مش زي قبل ممكن يخففولي الجبس بكرا نشوفوا
الحاج : ان شاء الله يحولوا بكل
ايه : يارب
الحاجة : قعمزو معانا هنا
محمد : لا خلونا في مربوعه احسن
الحاجة : علي راحتكم
ايه : هما عدو للمربوعه وخشوا الشباب صلاح ركب طول فوق وخالد واحمد قعدو معانا جيت جنب خالد وقلتله .... كنه خوك
خالد : قال مشكلة في العمل ماحبيتش ندخل صلاح مايحبش حد يخشله في مشكلة في العمل
ايه : اها صحيت لودي جعنك ماتغيب
خالد : هههه مازلتي تبي شوايااات
ايه : اها توا نجي ناكلهن نشوف صلاح ونجي
الحاجة : قوليله العشاء هنا راهو يتعبك في عشاء
ايه : حاضر هيا ...... ركبت للحوش لقيته مش قاعد خشيت لدار النوم لقيته في حمام عرفته يدوش غيرت دبشي بسرعه لبست روب قصير وعديت للمطبخ درت الشاهي وجيت لقيته يصلي في الصالون خشيت للحمام وطلعت لقيته يمشط في شعره ...... حبيبي اعميمه قالتلك عابيه بيكم العشاء لوطه تنزل
صلاح : ماعنديش نيه انزلي انتي
ايه : كنك توزع فيا
صلاح : ايه فكيني من السكنان انزلي وسيبني نخش ننخمد
