صلاح : خشيت دوشت وصليت وقعمزت نقلب في تلفزيون رن نقالي سحر فتحت ....ايوا
سحر : رايفت عليك معقوله هك تتجاهلني
صلاح : تستاهلي غلطتي وتحملي نتائج اكثر شي نكرها الانسان الي يستغفلني ويكذب عليا والي يحسابني غبي بيضحك عليا انا من قبل قلتلك خليك صريحه ورد بالك تلفي ودوري
سحر : انا مش قصدي بس خفت
صلاح : عمرك ماتخافي مني كوني صريحة وتاخذي عيوني المهم شن جوك توا
سحر : بسمع صوتك تمام قالتلي ماما انك جيت وحكت معك
صلاح : اها كلمتني جيتها وعلي فكرة حكيت لاهلي
سحر : قالتلي ماما
صلاح : تمام ممكن الايام الجاية يجوكم قبل فرح صفاء
سحر : تمام شن وتت دبشها صفاء
صلاح : اها مازاللها حاجات بسيطه علي اساس اليوم بنشيلها بس عدو لعيت عمي
سحر : كنهم
صلاح : جايين عرب يخطبوا في ايه
سحر : ايييه وكنهم داسينها
صلاح : كيف داسينها
سحر : ماقالونش عليها
صلاح : عرب يخطبوا ليش الشهدرة غير يتم يبلغوا
سحر : نحن بس برانيه
صلاح : مادخنش بحد وفكيني من دوة الصبايا تهيالي موضوع عادي بعد يقعد رسمي تشهدر المهم انا تعبان توا نحكوا بكرا
سحر : تمام نحبك
صلاح : وانا نحبك سلام ،،،طووووط صكرت الخط وبرمت بنرقد فجاة خطر عليا نسالها علي البنت الي كانت معاها عاودت طول عليها خشيت عليها انتظار استغربت صكرت شويه وعاودت عليا فتحت ....مع من كنت تحكي
سحر : مع صاحبتي
صلاح : ومن هذي وشن قايل انا علي مكالمات عقاب الليل هااا
سحر : شن بندير رنت عليا رديت
صلاح : تمام ،،،،،،طوووط ... قفلت نقالي ورقتلي طلعت برا الجنان نذخن لقيت صفاء وايناس في الجنان وموالعات اللاب توب ويحكن مع ايه فيديو
جيت بنعدي وقفت علي كلمة صفاء
صفاء : ماقلتش امتي كلمتكم عمتك زكيه وقعدت تهزب وزعلانه
ايه : عندها علم من حسام بابا كلمه بلغه عشان يسال ع عريس الغفله يعني من قبل مايجوا العرب عندها علم ومابتش تكلم قالت داسينها علينا
صفاء : عليك طروح
ايناس : فكني منها هيا وبنتها المكلوبه قولينا شن جو العريس
ايه : كيف شن جوا
صفاء : هههه كنت متوقعتك تضربيه بوني او يطلع فيه اعاقه
