ايه : شويه ووصلنا نزلنا خشينا قعدنا ندربكوا ونغنوا وبعدها عدينا نغيرو غيرت دبشي لبست بجامة وحطيت الطربوش علي راسي وطلعت بنغسل وجهي خطمت من جنب المطبخ كلمتني وداد خشيتلها .... كنك
وداد : خودي الفرخ هضا عطيه لامي توكله
ايه : هههه جعان ياقلبي
وداد : اهااا تي خطرها ماشاء الله علي مكياجك وعيونك طالعات يهبلن اول مرة هك اديريهن
ايه : ههههه كان ممنوع من ماما وبابا اليوم خذيت اذن من بابا
وداد : نجك ليا شيلي العيل لامي قبل يولع السرينه هههههه
ايه : هههههه هيا ...... رفعته في حضني وطلعت تصادفت مع صلاح جت عيني في عينه
صلاح : كنت خاش للمطبخ تصادفت مع ايه كانت دايره مكياج اول مرة نحقها هك وعيونها تجذب النظر للحظة سرحت فيهن نطيت علي عيطت ولد وداد
ايه : تي حول من قدامي وانت مفنص ....... دفيته وعديت طلعت شورهم في الجنان لقيتهن هنا وبابا وعمو معاهن .....خير ياقوم اعميمه خوذي هالفرخ وعطيه ياكل
الحاج : وين امه الفرخ
ايه : ههههه هيا دازتني راهو قالتلي عطيه لجدته
الحاج : هضا الي شاطره فيه امهات العازه
محمد : وسع بالك ياخيي اكيد مش فاضيه
ايه : هضا بيولع السرينه نحطه او ندخله هااا
الحاجة : هاتيه جعان الوليد
ايه : طبست حطيته فطنت لماما تفنص ....كنك
هند : عدي اغسلي وتعالي
زكيه : عليك قلة اداب محمد الدلع خربها بنتك
محمد : ليش شن دارت بنتي من قلة اداب يازكيه ها
الحاج : لا يازكيه الا ايه قلة الاداب مش شورها عيب تتبلي عليها
الحاجة : ياريت كل البنات زي ويه الي عنده ويه معاد يطلب شي اخر
احمد : كنت خاش نسمع فيهم يحكوا عليها ....نشهد بالله ياريت كل البنات زي ويه
ايه : هههههه دعم معنوي سمح حصلت نفختوني
احمد : هضا الحق ساد غير كلمة حاضر وتساعد في الناس كلها ماتتريح بكل
زكيه : عندها طولة اللسان
الحاجة : اسمعي يازكيه جيل توا كل هك ياخذ حقه بروحه مش بس ويه
ايناس : ويه تبيك نوسه
ايه : هيااا .... سيبتهم وعديت جوا قعدت مع البنات كسدت
~~~~~~~•~~~••~~~~~~
خالد : وصلنا للشقة ركبنا وخشينا تفرجت علي الحوش غيرنا دبشنا وطلعنا وانا صليت العشاء وصليت معاها ركتين وجينا قعمزنا في مطبخ طلعنا حاجات ناكلوهن ......... شن جو العرس اليوم
