يوم الفاتحة
صفاء : اليوم الفاتحة بتاعي شعور غريب ان تنكتبي علي ذمة راجل بيكون شريك حياتك انا حسن مانعرفش الا من كلام ايه عنه وعلاقته بيها وكم مرة ماشيه معاها ونعرف اسلوبه وحسيته انسان متفاهم اليوم متوثرة كنت نضت لقيت ويه مقعمزه تربش في نقال .....صباح الخير
ايه : صباح الورد
صفاء : كنه نقالك
ايه : شوفي .....مديتلها نقال
صفاء : حي علمك شن الارقام هذي
ايه : شكله الكلب الي امس موزع الرقم
صفاء : حي ع امه هالكلب
ايه : صبي صبي نفطرو امك تخطب من مبكري راهو والسوسه سحر تعزق في الاباري
صفاء : فوتيهن هياا .....صبيا دوشت وجيت صليت وطلعنا قعدنا نتحاوسوا وعديت للكوفيرة ودرت شغلي وروحت قبل العصر خشيت لقيتهن موتيات كل شي غيرت دبشي وقعدو الناس يجوا وصحباتي وكنت دايرة حفلة بسيطه للبنات عشان الفاتحه طلعو وقعمزت وبدا جو قعدن البنات يدربكن ويغنن نستنوا في الفاتحة فجاة جتني ويه
ايه : خوذي نقال
صفاء : تي كنك
ايه : حطي علي اذنك بس وقولي الو
صفاء : باهي ....حطيته وقلت ....الو
حسن : الف مبروك يازوجتي وربي يسعدنا ويهنينا ويجعل حياتنا حياة حب وثقة وتفاهم ومشاركة ويدومها لطول العمر قولي امين
صفاء : الله يبارك فيك وامين يارب خلاص قصدك
حسن : هههه شن قبل بتغيري رايك
صفاء : هههههه لا مستحيل كان هضا ماوفقت من الاول
حسن : باهي طمنتني خلاص نخليك تاخذي راحتك ونحكوا بعدين سلام توا
صفاء : ان شاء الله سلام ،،،،،طوووووط...بحتث في ويه
ايه : شن رايك في المفاجاة ههههه
صفاء : نجك ليااا احلي شي صارلي اليوم الاتصال هضا
رنده : قروووهااا الفاتحة
صفاء : عارفينها ههههه
رنده : كيف عرفتي
ايه : حسون كلمنا ياحنه لوووولووولووولي
رنده : يانعلووووشي خليني نعدي نساعد نوسه هههه
ايه : جايه معك هيا ....عديت معاها
صفاء : قعمزنا درنا جو انا وبنات وخشيت نغير في دبشي
ايه : خلاص انا بنعدي لخالتي بكرا صباح نجي تم
صفاء : نجك ليا ان شاء الله ماتغيبي
ايه : هيا سلام توا ....خذيت شنطتي وطلعت
