الحلقة 30
صلاح : نحكي فطنت بسحر راكبه علي مسرح وجايه شورنا بفستان قصير وعريان احمر برمة وجهي للجهة التانيه
سحر : مبروك عليكم
ايه : استكيت بعد شفتها ..... ستر الله باقي كنك راكبه عريانه
سحر : هضا عرس شن تبي نلبس
ايه : وهضا راجلي راكبه هك قدامي انزلي ياحنه بلا فضايح
صلاح : سحر انتلفي تحت شن هضا تحشمي علي وجهك
سحر : فاضيه راكبه نبارك ...برمة نزلت
ايه : خزززي سخيفه هالصايعه بلا دم
صلاح : ننقنا رقتلي صبيت .... هيا صبي نطلعوا
صفاء : جيتهم .... غيرو الدبل قبل تطلعوا
ايه : صبيت
صلاح : قعدت تصور فينا ونحن غيرنا الدبل وطلعنا شور الاستقبال
ايه : سلمت عليهن
صفاء : هضا نقالك ياويه عند صلوحه
صلاح : خذيته منها
هند : صلوحه رد بالك منها الله يربحك
صلاح : ولايهمك في امان
ايه : طلعنا وركبنا في سيارة وعدينا شور الحوش كان ساكت طول الطريق مولع مسجل ونسمعوا وساكتين وصلنا للحوش خشينا وركبنا فوق للشقة فتحها وخشينا جوا فجاة خش وفاتني في عقلي قلت قليل ذوق سلحت البرنوص وحطيته علي مدخل وخشيت لقيته مقعمز علي الصالون ويقلب في قنوان التلفزيون سيبته وخشيت للدار النوم وصكرتها سلحت الفيلوو ولبست الدشنبر وخشيت للحمام لبست روب ابيض قصير وفوقه طرف طويل وخففت مكياجي ورفعت شعري كله فوق وبخيث عطري وطلعت حطيت الفيلوا في دولاب ونظمت الدار وفتحتها طلعت لقيته مش قاعد قعدت نبرم لقيته في بركوني يذخن .... في عقلي هضا كنه سيبته وعديت خذيت لبسة الصلاة وصليت العشاء وركعتين وشفع والوتر وكملت صبيت لقيته مصبي
صلاح : شن ادير
ايه : نحضر في الجنون شن اندير نصلي
صلاح : اها تعشيتي
ايه : لا
صلاح : في عشاء اهوا علي الطاولة
ايه : انت تعشيت
صلاح : اها تعشيت بنخش نبدل
ايه : باهي ... سلحت لبسة الصلاة وعديت للمطبخ حطيت من العشاء في تبسيوحطيته في ميكرويف سخنته وجيت طلعت عصير من ثلاجة وقعمزت ناكل
~~~~~~~~~~~~~~~~~
صلاح : خليتها تاكل وخشيت دوشت ولبست بجامة تشرت ازرق وسروال اسود بخيث عطري وطلعت للصالون صليت العشاء وجيت لقيتها تاكل ...صحة ...قعمزت علي الكرسي
