صلاح : خشيت دوشت وغيرت دبشي لميت الحاجات وطلعت شور الحوش وصلت خشيت لقيتهم في الجنان معهم سحر بحتث فيها من فوق لتحت وخشيت شور داري طول حطيت الحاجات في الشنطة وصكرتها وطلعت صكرت داري بمفتاح وخذيته وطلعت من الحوش قلت نعدي شور العمل رن نقالي بحتث لقيته سحر درتلها مشغول وعديت درت شغلي ولهيت في البضاعة الجديدة لعند الليل روحت لقيتهم كلهم مرقدين مافي حد في الجنان خشيت شور داري سمعت صوت من دار صفاء وصوت ضحك عرفت ايه قاعدة معها دقيت عليهن
صفاء : من
صلاح : انا
صفاء : فتحت .... صلوحي روحت
صلاح : لا مازلت غادي نبي فنجان قهوة
ايه : كنت شريت من طريق
صلاح : اسكتي ماحدددد يحكي معك
ايه : سكتت طول عشان رد عليا بنفتره واضح رقيتله
صفاء : كنك نبصرو
صلاح : بديري او نخش ننخمد
صفاء : باهي هيا تعالي ويه
ايه : هيا
صلاح : هنا طلعن شور مطبخ خشيت غيرت دبشي وطبعت جيت شور المطبخ فجاة لقيت سحر معاهن مابيتش نخش قعدت نسمع فيهن
ايه : انا رفضت بجوي انتي مالك
سحر : ريتي هالطوابير الي واقفين عليك لعند ترفضي
ايه : رفعت حاجبي ..... ههههه ومن قالك ميته علي الزواج مش كلنا زيك
سحر : شن قصدك يعني
ايه : والله شوفي روحك
سحر : الا زيك لازم تكرش في اول راجل يتقدملها ماتقرنش روحك بغيرك
صفاء : نعنجد هذي
ايه : وعليش ان شاء الله
سحر : عشان مشكلة قلبك
ايه : بحتث في صفاء
صفاء : في شن تحكي
سحر : هههه عندنا علم نحن علي اساس سر ماتبش حد يعرف ان عندك ثقب في القلب
ايه : ومن قالك متحشمه من شي هضا الحمدلله تقعد عندي مشكلة في صحتي من ربي ولا تكون المشكلة في اخلاقي وتربيتي عرفتي كيف
سحر : شن قصدك انتي هااا
صفاء : كنك حمقتي مش نحكوا عادي توا
سحر : لا ماتحكش عادي تعزق في الكلام
ايه : هههههه يعني انتي تحكي عادي فكيني من الطروح تعزقي في الكلام تحسابي روحك فالحه انا نعرف نرد ونحط حد ونواصل الي نبيه للشخص الي قدامي بس انا مش زيك انا الي عندي طول نقوله لكي
سحر : هضا كلام الي عنده نقص
ايه : لا هضا كلام الواثق من روحه الحمدلله علي هالنعمه
