صلاح : قعدت الليل كله سهران عليها خايف ترتفع حرارتها وهيا كانت راقدة وخلاص كم مرة ترتفع حرارتها ونعطي فيها خافض حرارة قعدت واعي لعند حرارتها نزلت واستقرت وحسيتها راقدة متريحة نعست ورقدت جنبها لعند الصباح نضت لقيتها راقدة لمستها لقيت حرارتها مازالت نازله طبست عليها قعدت نشم في ريحتها تهبل
ايه : بعد نضت لقيته راقد جنبي في خاطري قلت حرام نقعدو هك زي راجل ومراته حسيت بيه يتحرك غمضت عيوني قعد يلمس فيا علي جبيني ووجهي وبعدها حسيت بوجه قريب مني ويتنفس في وجهي معش قدرت نتحمل درت روحي نتحرك
صلاح : طول بعدت وقعمزت ..... ويه ويه
ايه : فتحت عيوني ..... صباح الخير
صلاح : كيف حالك اليوم
ايه : الحمدلله
صلاح : باهي الحمدلله هيا صبي عشان تفطري وتاخذي دواك
ايه : هيا
صلاح : خليتها خشت للحمام وجيت طفيت التكييف وفتحت الحوش يتغير الهواء وجيت وتيت الفطور
ايه : جيت صليت وجيت للمطبخ .... شن ادلع فيا
صلاح : ادللي بس هيا افطري وانا بنخش ندوش ونصلي ..... خشيت دوش ووصليت وجيت .... شن فطرتي
ايه : الحمدلله
صلاح : صحة .... خذيت قهوة وقعدت نشرب
ايه : تنزل لوطه معايا نشوف اعميمه اكيد مشغوله
صلاح : هيا ....... صبينا ونزلنا وصلنا في اخر الدروج ونسمعوا صوت الحاج يهزب ...... ان شاء الله خير كنهم
ايه : حسه صوت صفاء .....خشينا نجرو
صلاح : كنكم شن في
الحاج : تعال شوف العار الي اختك دايرته
صلاح : كنك صفاء
صفاء : يابابا هو وعدني علي هك ماطلبتش منه
ايه : عرفت الموضوع علي حسن ماحبيتش ندخل وخرت
صلاح : فطنت بيها وخرت وماسالت قلت شكلها عارفه شي ...... شن درتي
الحاجة : الفرخة متعاركه مع راجلها عشان نسي عيد ميلادها وماجبلها هدية اسمع هالقطاف
صلاح : من جدك ياصفاء
صفاء : هو وعدني يديرلي عيد وبعد عاتبته قالي عاجبك باهي مش عاجبك عدي لاهلك
الحاج : صدق فيك الراجل عابي عليك وليه مصانعه امانعه طلعتي عيله بنت فاضيه
صفاء : قعدت نبكي
الحاجة : وجعك الكلام هااا
ايه : صفصف حبيبتي اسكتي والله حسونه توا يجي يصالحك تلقيه مضايق من شي وجت فيك واكيد نسي من قلة الفضوة بس
