بعد اسبوعين
صلاح : لحظت ليا ايام ان ويه تدهش وكل شويه تتعب ودوخ معش قدرت نعدي ونسيبها قعد الحاج ماسك المحل هو ونوري وانا نقعد معاها فجاة اطيح اذوخ وننفجعوا معش فهمت شي وتوا الدهشه بكل عندنا اليوم زفة هدي وعلي عدت للكوفيرا وانا مسكت العيال لعند رنت عليا عديت خديتها وروحت لبست في الحوش وشلتها للقاعة وصلنا قريب من القاعة وقفت عند الاشارة
ايه : بتقعد غادي
صلاح : اها والعيال معايا بنمسكهم
ايه : باهي
صلاح : ولع الضي وطلعت رن نقالي احميدة .... ايوا احميدة
احمد : نسرين جابت عيل
صلاح : ماشاء الله الحمدلله علي سلامتها ويتربي في عزكم كيف حالهم
احمد : االله يسلمك كويسين
صلاح : شن عطوها خروج
احمد : لالا بكرا قالوا وامها معاها
صلاح : باهي تمام
احمد : بلغ ويه سلام
صلاح : سلاام ،،،، طووووط .... نوسه جابت عيل
ايه : الحمدلله يتربي في عزهم ان شاءالله شن صحتهم
صلاح : كويسين
ايه : باهي الحمدلله
صلاح : وصلتها ساعدتها تنزل وقعدت برا مع الشباب مع رنت خالد .......ايوا
خالد : قلتلك نبوا سيارة ويه للزفة
صلاح : عدي خوذها بس مفاتيح عندي
خالد : جيبه لنا معناها
صلاح : تم هيا ،،،،،،طووووط .... خذيت العيال وطلعت شور الحوش لقيت خالد قدام الحوش عطيته مفاتيح ...... شوف كان فيها حاجة شور ايه
خالد : تم هيا .... فتحتها وقعدت نفتش لقيت كيس وشيتات جبتهن له ...... هذينا طلعتهن
صلاح : هات ..... خذيتهن وحطيتهن في الدرج وهو طلع بسيارة وانا عديت شور الفرح لقبت حسن ونزار قعمزت كسدت معاهم وسكن حوده يعيط معش عرفته كنه رنيت علي ويه ......... ايوا ايه
ايه : نعم
صلاح : حوده سكن يعيط معش عرفته كنه
ايه : دازه ليا جوا جعان اكيد
صلاح : باهي توا ندازه
ايه : حتي حمادي ماكلش راهو دازهم نوكلهم ونطلعهم لكي
صلاح : تم هيا ،،،،،،،، طووووووط ...... احسونه نتعبك ياغالي شيل هضوما جوا لامهم
حسن : تم هيا ياعمو .... خذيتهم وعديت
صلاح : شن اخبار مومن وين ماشفتش
نزار : له فترة يجري علي عيادات علي هالفروخ
